Psonm 10:16 - Labib An Kreol Seselwa

¹⁶ SENYER i lerwa pour touzour. Bann nasyon pou disparet dan son pei.

Psonm 10:16 Referans Kwoze

1 Timote 1:17

Annou rann loner ek laglwar anver Lerwa eternel, sel Bondye imortel e envizib pour touzour! Amenn.

Psonm 29:10

SENYER i lo son tronn par lao delo. SENYER i lerwa pour touzour.

Zeremi 10:10

Me SENYER i vreman Bondye; i sa vre Bondye vivan, e lerwa pour touzour. Later i tranble devan son lakoler e bann nasyon i enpwisan.

Danyel 6:26

Mon ordonnen ki partou dan mon rwayonm, tou dimoun i montre respe ek loner anver Bondye Danyel. Annefe, Bondye i vivan e i viv pour touzour! Son rwayonm pa pou zanmen ganny detri! Son dominasyon pou reste ziska lafen.

Danyel 4:34

Plitar, apre ki sa set an ti'n pase, mwan, Naboukodonozor, mon ti lev mon lizye ver lesyel e mon ti reganny mon bon rezonnman. Mon ti remersye Bondye Toupwisan, e rann glwar ek loner sa enn ki viv eternelman. Son pouvwar rwayal i pour touzour, son rwayonm pou dire pour touzour, atraver tou zenerasyon.

Psonm 145:13

Ou renny pa pou zanmen fini e ou pouvwar i dire pour touzour. SENYER i tenir tou son promes. I montre son labonte dan tou sa ki i fer.

Deterononm 8:20

Zot pou disparet parey bann nasyon ki SENYER pou detri devan ou, akoz zot pa'n obei lavwa SENYER, ou Bondye.

Lamantasyon 5:19

Me ou SENYER! Ou renny i pour touzour; ou tronn pou touzour la atraver bann zenerasyon.

Ezai 33:22

SENYER i nou ziz; SENYER i nou sef; SENYER i nou lerwa; li menm ki pou sov nou.

Psonm 146:10

SENYER pou renny pour touzour; ou Bondye, Siyon, en zenerasyon a en lot. Loue SENYER!

Psonm 93:1

SENYER i lerwa, in anvlope dan mazeste; i antoure avek lafors.

Psonm 78:55

I ti sas bann nasyon devan zot. I ti partaz pei e donn sakenn son par e enstal bann tribi Izrael dan zot latant.

Psonm 9:15

Bann nasyon in tonm dan trou ki zot ti'n fouye; zot in pri dan latrap ki zot ti'n mete.

Psonm 9:5

Ou'n kraz bann nasyon etranze; ou'n detri bann malfeter e zot non in ganny efase pour touzour.

Egzod 15:18

SENYER i lerwa pour touzour!

1 Kronik 29:11

Grander, pwisans, laglwar, laviktwar e mazeste i pour ou, SENYER. Tou sa ki egziste dan lesyel e lo later i pour ou. SENYER! Ou renny par lao tou.

Psonm 9:8

I pou ziz lemonn avek lazistis; i pou ziz bann pep avek drwatir.