Psonm 10:1 - Labib An Kreol Seselwa

¹ SENYER! Akoz ou reste lwen avek mwan? Akoz ou kasyet ou kan mon dan maler?

Psonm 10:1 Referans Kwoze

Psonm 22:1

Mon Bondye! Mon Bondye! Akoz ou'n abandonn mwan? Akoz ou reste sitan lwen avek mwan? Akoz ou pa ekout mon lapel?

Psonm 27:9

Pa kasyet ou vizaz; ou'n touzour ed mwan. Pa rezet mwan ou serviter, avek lakoler. Ou ki'n delivre mwan, pa rezet mwan, pa abandonn mwan. Ou Bondye ki delivre mwan.

Zeremi 14:8

SENYER! Ou ki lespwar Izrael, ou ki son sover dan maler, akoz ou pas parey en etranze dan pei? Akoz ou konport ou parey en vwayazer ki pas zis en lannwit?

Psonm 88:14

SENYER! Akoz ou rezet mwan? Akoz ou vir ou ledo avek mwan?

Psonm 46:1

Bondye i pour nou en labri e en sekour. I touzour avek nou dan letan maler.

Psonm 44:24

Akoz ou kasyet ou figir? Akoz ou oubliy nou maler ek nou latristes?

Psonm 30:7

Dan ou labonte, SENYER, ou'n fer mwan solid parey en montanny; ou ti kasyet ou e mon ti per.

Liv Zob 13:24

Akoz ou kasyet ou figir avek mwan e ou konsider mwan koman ou lennmi?

Liv Zob 34:29

Si Bondye i reste trankil, lekel ki kapab kondann li? Si i kasyet son figir, lekel sa nasyon oubyen sa zonm ki pou kapab war li?

Liv Zob 23:9

Eski i okipe dan Nor? Mon pa war li. Eski i pe kasyet dan Sid? Mon pa war li.

Psonm 44:25

Nou pe trennen dan lapousyer; nou pe ranpe lo later.

Zeremi 14:9

Akoz ou fer sanblan ki ou'n perdi ou lafors, parey en ero ki nepli kapab sov personn? Pourtan, SENYER, ou la parmi nou; ou non in ganny envoke lo nou. Pa les nou tonbe.