Proverb 9:10 - Labib An Kreol Seselwa

¹⁰ Respe pour SENYER i konmansman lasazes. Rezonnman i konmans avek konnesans sa enn ki sen.

Proverb 9:10 Referans Kwoze

Psonm 111:10

Konmansman lasazes i respe anver SENYER. Sa enn ki annan bon zizman i swiv sa. Laglwar SENYER i dire pour touzour.

Liv Zob 28:28

Alor Bondye ti dir avek limanite: Respe pour SENYER, sanmenm sa lasazes. Elwanny ou avek lemal, e ou ava trouv disernman!

Proverb 1:7

Respe pour SENYER i konmansman lasazes. Zis bann fou ki napa respe pour lasazes ek lenstriksyon.

Eklezyas 12:13

Ekout konklizyon tousala: Annan respe pour Bondye e obei son komannman. La sa ki tou et imen i devre fer.

Proverb 2:5

alor, ou ava konpran ki savedir respe pour Bondye e ou ava reisi konn Bondye.

Levanzil dapre Zan 17:3

Lavi eternel, se ki zot konn ou koman sel vre Bondye, ek Zezi-Kri ki ou'n anvoye.

1 Zan 5:20

Nou konnen ki Garson Bondye in vini. I'n donn nou disernman pour konn sa enn ki vre Bondye. Nou, nou reste ini avek vre Bondye, gras a son Garson Zezi-Kri. Li menm vre Bondye; li menm lavi eternel.

1 Kronik 28:9

Kanta ou, mon garson Salomon, konn Bondye ou papa. Servi li avek tou ou lespri e avek tou ou leker; akoz SENYER i konsider sak lentelizans e i konn tou proze e tou sa ki ou mazinen. Si ou rod li, ou pou trouv li; me si ou oubliy li, i pou abandonn ou pour touzour.

Proverb 30:3

Mon pa'n aprann lasazes, mon napa konnesans bann sen.

Matye 11:27

Mon Papa in donn mwan tou keksoz. Personn pa konn son Garson, eksepte son Papa, e personn pa konn son Papa, eksepte son Garson ek bann ki son Garson in swazir pour revel son Papa.

Psonm 34:12

Eski ou anvi zouir lavi? Eski ou anvi war bann zour ere?