Proverb 8:10 - Labib An Kreol Seselwa

¹⁰ Swazir mon lansennyman plito ki larzan e konnesans dan plas lor pir.

Proverb 8:10 Referans Kwoze

Psonm 119:127

Mon vreman kontan ou bann komannman plis ki lor, menm plis ki lor pir.

Psonm 119:72

Lalwa ki sorti dan ou labous i pli bon pour mwan ki milyon lobze annor e annarzan.

Proverb 23:23

Kiltiv laverite e pa vann li; kiltiv lasazes, lenstriksyon ek disernman.

Eklezyas 7:11

Lasazes i osi bon ki en leritaz, i menm en lavantaz pour bann ki'n war soley.

Proverb 10:20

Parol sa enn ki zis i vo plis ki larzan pir; sa ki en malfeter i mazinen pa vo nanryen.

Akt de Zapot 3:6

Me Pyer ti dir li, “Mon napa ni larzan ni lor, me sa ki mon annan, mon ava donn ou: Lo non Zezi-Kri sa Nazareen, mon ordonn ou: Leve, marse!”

Proverb 16:16

Vomye posed lasazes plito ki lor; vomye annan disernman plito ki larzan.

Psonm 119:162

Ou parol i donn mwan lazwa parey sa enn ki'n dekouver en gro trezor.

2 Korentyen 6:10

Nou pas par latristes, me nou touzour dan lazwa. Nou pov, me nou anrisi bokou dimoun. Nou paret napa nanryen, me an realite nou posed tou!

Proverb 8:19

Mon fri i meyer ki lor, menm lor pir, e fri ki mon raporte i vo plis ki larzan pir.

Liv Zob 28:15

Ou pa kapab aste li avek lor, ni avek en pake larzan.

Liv Zob 28:17

Ou pa kapab konpar lasazes avek lor oubyen ver, ni trok li pour bann bizou annor pir.

Proverb 20:15

Lor ek pyer presyez i annan an annabondans; me labous ki annan konnesans i en bizou presye.