Proverb 3:9 - Labib An Kreol Seselwa

⁹ Rann glwar SENYER avek sa ki ou annan, e avek premye fri tou ou bann rekolt.

Proverb 3:9 Referans Kwoze

1 Korentyen 16:2

Premye zour sak semenn, sakenn ava met dekote se li, larzan ki i'n reisi eparnyen. Konmsa, zot pa pou bezwen esper mwan arive pour anmas bann kontribisyon.

Egzod 23:19

Ou ava anmenn premye fri ou plantasyon kot mwan, SENYER ou Bondye. Ou pa pou kwi en pti kabri dan dile son manman.

Proverb 14:31

Sa enn ki oprim en pov i ensilte son Kreater; sa enn ki sekour en pov i onor SENYER.

Egzod 22:29

Fodre pa gard avek ou lofrann fri oubyen rekolt ek prodwi ou plantasyon rezen. Ou ava donn mwan premye ne parmi ou bann garson.

Egzod 34:26

Ou ava anmenn premye fri larekolt dan demer SENYER, ou Bondye. Ou pa pou kwi en pti kabri dan dile son manman.

Zenez 28:22

Sa ros ki mon'n fer en pilye avek e konsakre, pou vin lakaz Bondye. Mon pou donn ou en dizyenm lo tou sa ki ou pou donn mwan.

2 Kronik 31:21

Tou sa ki i ti fer pour servis tanp Bondye, dapre lalwa ek komannman, i ti fer avek tou son leker pour Bondye e i ti prospere.

Psonm 144:13

Nou bann grennyen i plen avek tou kalite prodwi; nou bann troupo mouton i ogmant en kantite, par dizenn milye dan nou bann laplenn.

Proverb 11:25

Sa enn ki zenere pour viv dan lopilans; sa enn ki donn delo pa pou zanmen swaf.

Ezai 43:23

Ou pa'n anmenn ou mouton pour ofer mwan bann sakrifis konplet, ni onor mwan avek ou bann sakrifis. Mon pa'n obliz ou ofer bann lofrann ni fatig ou pour ofer lansan.

Egzod 23:16

Ou ava selebre lafet Larekolt, lafet bann premye fri ou travay, lafet sa ki ou ti senmen dan ou plantasyon. Alafen lannen, ou ava selebre lafet Larekolt, kan ou ava rekolte fri ou travay.

Levitik 19:25

Dan senkyenm lannen, zot ava kapab manz fri. Konmsa ki zot rekolt ava ogmante: Mwan menm SENYER zot Bondye.

Nonm 15:20

Avek premye lapat ki ou fer, premye dipen devret ganny ofer SENYER koman en don; ou ava prezant li parey ou fer pour ou premye rekolt dan menm fason ki ou fer prezantasyon ou sereal.

Deterononm 14:29

Alor, bann levit ki napa okenn par dan zot patrimwann, bann etranze ki reste kot ou, bann orfelen ek bann vev ki viv dan ou bann lavil, ava kapab vin manze ziska ki zot rasazye. Konmsa, SENYER, ou Bondye ava beni ou dan tou travay ki ou ava antreprann.

2 Kronik 31:10

Alor Gran-Pret Azarya, ki sorti dan fanmir Sadok ti reponn, “Depi ki lepep in konmans anmenn zot kontribisyon dan tanp SENYER, nou'n ganny ase manze e in menm reste, akoz SENYER in beni son pep; la sa kantite ki'n reste.”

Matye 25:17

Sa enn ki ti ganny de talan ti fer parey e i ti ganny ankor de lezot talan.