Proverb 3:7 - Labib An Kreol Seselwa

⁷ Pa krwar ou tro saz; annan respe pour SENYER e elwanny avek sa ki mal.

Proverb 3:7 Referans Kwoze

Liv Zob 28:28

Alor Bondye ti dir avek limanite: Respe pour SENYER, sanmenm sa lasazes. Elwanny ou avek lemal, e ou ava trouv disernman!

Romen 12:16

Viv an akor avek tou zot kanmarad. Pa bezwen annan lorgey, me aksepte bann travay ki senp. Pa bezwen annan en tro gran lopinyon lo zot menm.

Proverb 26:12

I annan plis lespwar rankontre en fou, ki rankontre en zonm ki krwar i saz.

Liv Zob 1:1

Dan pei Ous, ti annan en zonm ki ti apel Zob. I ti en zonm zis e drwat. I ti annan gran respe pour Bondye e i ti evite fer sa ki mal.

Proverb 16:6

Lalwayote ek lanmour i pardonn en fot; Sa enn ki annan respe pour SENYER i evit fer sa ki mal.

Eklezyas 12:13

Ekout konklizyon tousala: Annan respe pour Bondye e obei son komannman. La sa ki tou et imen i devre fer.

Ezai 5:21

Maler lo sa bann ki krwar zot saz, ki krwar zot entelizan!

Proverb 14:27

Respe anver SENYER i sours lavi; i ede pa tonm dan bann pyez lanmor.

Romen 11:25

Mon bann frer ek ser! Pour zot pa tonm dan lorgey e pran zot pour bann saz, mon oule revel zot en mister: En parti pep Izrael, pou persiste dan son landirsisman, ziska ki tou lezot pep ava'n aksepte Bondye.

Nehemi 5:15

Bann gouverner avan mwan, ti enpoz gro fardo lo lepep. Zot ti reklanm manze, diven, avek anplis, 40 pyes larzan. Menm zot bann serviter ti domin lepep. Me mwan, mon pa ti fer sa, par respe pour Bondye.

Egzod 20:20

Moiz ti dir lepep, “Pa bezwen per, akoz Bondye in vin teste zot pour ki zot ava annan respe pour li e pa fer pese.”

2 Samyel 12:20

Alor David ti leve ater. I ti bennyen, parfim li, e sanz son lenz. Apre i ti al dan lakaz SENYER, e prosternen. Ler i ti retourn se li, i ti demann pour servi li en repa, e i ti manze.

Proverb 8:13

Ler ou annan respe anver SENYER, ou deteste sa ki mal. Mon deteste lorgey ek larogans, movez aksyon ek mansonz.

Proverb 14:16

En saz i per maler e i pas akote; sa enn ki bet i azir tro vit akoz i fer tro konfyans.

Proverb 23:4

Pa fatig ou pour vin ris; ganny ase lespri pour ou refize.

Proverb 26:5

Reponn en zonm fou dapre son lafoli; sankwa, i pou krwar i en saz.

Proverb 28:11

Sa enn ki ris i krwar i saz; me en pov ki annan disernman i kapab demaske li.

Proverb 28:26

Sa enn ki fer konfyans dan son prop zizman, i en fou; Me sa enn ki les li kondwir par lasazes, ava ganny delivre dan danze.