Proverb 3:1 - Labib An Kreol Seselwa

¹ Mon garson! Pa oubliy mon lansennyman; gard mon bann komannman dan ou leker.

Proverb 3:1 Referans Kwoze

Proverb 4:5

Rod lasazes, rod disernman; pa oubliye, ni elwanny ou avek bann parol ki sorti dan mon labous.

Psonm 119:16

Mon pran plezir dan ou bann regleman; mon pa pou oubliy ou parol.

Proverb 1:8

Mon garson! Gard komannman ou papa; pa abandonn lansennyman ki ou manman i ansenny ou.

Psonm 119:93

Mon pa pou zanmen oubliy ou bann direktiv, akoz ou'n fer mwan reviv.

Psonm 119:34

Donn mwan disernman, pour mwan konpran ou lalwa e met li an pratik avek tou mon leker.

Zeremi 31:33

La koman pou ete, sa nouvo lalyans ki mon pou fer avek mon pep, SENYER i deklare: Mon pou met mon bann lalwa dan zot leker. Alor, mon ava vin zot Bondye, e zot ava vin mon pep.

Psonm 119:11

Mon gard ou parol dan mon leker, pour mwan pa fer pese kont ou.

Deterononm 8:1

Ou ava gard tou bann komannman ki mon ordonn ou ozordi. Konmsa, ou ava viv e vin nonbre. Ou ava antre e pran posesyon sa pei ki SENYER ti'n promet par en serman avek ou bann zanset.

Psonm 119:153

Get mon maler e delivre mwan, akoz mon pa'n oubliy ou lalwa.

Oze 4:6

Mon pep i ganny detri akoz zot mank konnesans. Akoz ou, ou'n rezet konnesans, mon pou rezet ou koman mon pret. Akoz ou'n oubliy lalwa ou Bondye, mon pou oubliy ou bann zanfan.

Deterononm 4:9

Selman, fer atansyon! Vey byen lo ou menm tou le zour ou lavi, pour ki ou pa oubliy sa ki ou lizye in war; gard zot dan ou leker. Ansenny tousala ou bann zanfan ek ou bann pti zanfan.

Psonm 119:176

Mon'n egare parey en mouton ki'n perdi semen. Vin rod ou serviter, akoz mon pa oubliy ou bann komannman.

Deterononm 4:23

Alor, fer byen atansyon: Pa oubliy lalyans ki SENYER, zot Bondye ti fer avek zot. Pa fer okenn stati dan okenn laform ki SENYER, zot Bondye in defann zot.

Proverb 31:5

Ler zot in bwar, zot oubliye sa ki lalwa i dir e zot trai drwa bann pov.

Ezai 51:17

Leve! Leve! Debout, Zerizalenm! Ou ki'n bwar dan lanmen SENYER, lakoup son lakoler; ou ki'n bwar ziska lanmar, lakoup ki fer ou drive.

Egzod 20:6

Me mon pou montre mon fidelite ziska mil zenerasyon, anver bann ki kontan mwan e ki gard mon bann komannman.

Psonm 91:16

Mon pou fer li viv lontan e montre li, ki mon son Sover.

Psonm 119:61

Mon pa oubliy ou bann lalwa, menm si bann malfeter i met mwan dan en latrap.

Proverb 2:1

Mon garson! Si ou aksepte mon bann parol; si ou gard byen mon bann komannman;

Proverb 4:2

Akoz mon pe donn zot bann bon leson, alor, pa abandonn mon lansennyman.

Proverb 16:31

Seve blan i en kouronn laglwar ki sa enn ki'n mars lo semen lazistis i gannyen.

Proverb 23:26

Mon garson! Donn mwan ou leker; pran plezir swiv mon legzanp.

Deterononm 5:16

Respekte ou papa ek ou manman, parey SENYER, ou Bondye in ordonn ou. Konmsa, ou ava viv lontan e ere lo sa later ki SENYER, ou Bondye pou donn ou.

Deterononm 5:33

Zot ava mars dan semen ki SENYER, zot Bondye in trase pour zot. Konmsa, zot ava reste vivan e viv lontan; zot ava ere dan pei ki zot pe al pran posesyon.

Proverb 4:21

Pa les zot sorti devan ou lizye; gard zot dan fon ou leker.

Proverb 8:1

Ekoute! Lasazes pe apele. Rezonnman pe fer tande son lavwa.

Proverb 9:1

Lasazes in konstri son lakaz; in tay son set kolonn.