Proverb 27:2 - Labib An Kreol Seselwa

² Les lezot dimoun felisit ou, les en etranze fer li, me pa ou.

Proverb 27:2 Referans Kwoze

2 Korentyen 10:18

Annefe, pa sa enn ki annan en gran lopinyon lo son lekor ki ganny vreman aprouve, me sa enn ki Senyer i rekomande.

Proverb 25:27

I pa bon manz bokou dimyel, ni rod tro bokou loner.

2 Korentyen 10:12

Sertennman, nou pa pou oze fer nou egal, oubyen konpar nou avek bann ki annan en gran lopinyon lo zot prop lekor. Me kan zot servi zot prop mezir pour mezir zot lekor, e konpar zot avek zot prop lekor, zot pe montre en mank disernman.

2 Korentyen 12:11

Mon'n koz koman en fou! Me zot ki'n fors mwan. Zot ki ti devre koz dan mon faver. Annefe, menm si mon en nanryen ditou, mon pa ditou enferyer avek zot bann gran zapot.

Proverb 27:3

Ros i lour, disab i pez en kantite; me lakoler en fou i pli lour ki tou le de ansanm.

2 Rwa 10:16

I ti dir li, “Vin avek mwan e ou ava war pasyon mon lanmour pour SENYER.” Alor, i ti vwayaz avek li dan son kales.

Proverb 20:6

Bokou dimoun i dir ki i fidel; me lekel ki kapab trouv en zonm sir?