Proverb 21:2 - Labib An Kreol Seselwa

² Dimoun i krwar ki tou sa ki i fer i byen; me SENYER ki sond leker.

Proverb 21:2 Referans Kwoze

Proverb 16:2

Zonm i krwar touzour ki i byen azir; me SENYER ki egzamin fon leker.

Proverb 16:25

En semen i paret drwat pour en zonm; me finalman, i en semen ki kondwir ver lanmor.

Levanzil dapre Lik 16:15

Me Zezi ti dir zot, “Zot parmi bann dimoun ki fer zot pas pour zis, me Bondye i konn zot leker. Annefe, i deteste sa ki zonm i konsider gran.

Zeremi 17:10

Mwan, SENYER, mon teste sa ki zonm i mazinen; mon egzamin son bann santiman. Mon tret sakenn dapre son mannyer viv, dapre son bann aksyon.

Proverb 30:12

I annan en bann ki krwar zot pir, me ki pa'n lav zot salte.

1 Samyel 16:7

Me SENYER ti dir Samyel, “Pa get son laparans ni son grander, akoz mon'n rezet li. SENYER pa war parey zonm i war. Zonm i get laparans eksteryer, me SENYER i get dan leker.”

Proverb 24:12

Si ou dir: Nou pa ti konnen; eski sa enn ki egzamin leker pa pou konpran? Sa enn ki vey lo ou pa pou konnen? Pa i pou rekonpans sakenn dapre son aksyon?

Let Zak 1:22

Pa bezwen tronp zot lekor: Pa zis ekout Parol Bondye; fodre osi met li an pratik.

Psonm 36:2

I flat son lekor ki i pa rekonnet son pese. I mazinen ki Bondye pa pou war son pese e kondann li.

Galat 6:3

Si en dimoun i krwar ki i enportan, alor ki i en nanryen ditou, i pe anbet son prop lekor.

Proverb 20:6

Bokou dimoun i dir ki i fidel; me lekel ki kapab trouv en zonm sir?

Revelasyon 2:23

Mon pou osi met anmor tou son bann zanfan. Alor, tou bann Legliz ava konnen ki mon konn tou mazinasyon ek dezir zonm. Mon pou tret sakenn zot dapre sa ki zot i'n fer.

Proverb 12:15

En fou i krwar ki li tousel ki annan rezon; me sa enn ki saz i ekout konsey.

Liv Zob 31:6

mon demande ki Bondye i ziz mwan e rekonnet mon linosans.

Proverb 17:3

Dife i teste lor ek larzan; me SENYER i sond leker.

Danyel 5:27

TEKEL, savedir peze: Ou'n ganny peze lo en balans e ou'n ganny trouve tro leze.