Proverb 21:1 - Labib An Kreol Seselwa

¹ Leker lerwa i en pti larivyer dan lanmen SENYER. I diriz li partou kot i oule.

Proverb 21:1 Referans Kwoze

Proverb 16:9

Leker imen i fer bann plan; me SENYER ki diriz son aksyon.

Proverb 20:24

SENYER ki diriz tou nou lepa; koman alor, en zonm i kapab konpran kote i pe ale?

Esdras 6:22

Answit, pandan set zour, zot ti selebre dan lazwa lafet Dipen san lelven, akoz SENYER ti'n donn zot lazwa e i ti'n tous leker lerwa Lasiri dan zot faver. Sa ti ed zot dan travay tanp Bondye Izrael.

Akt de Zapot 7:10

I ti delivre li dan tou son bann difikilte. Bondye ti fer Zozef ganny faver Faraon, lerwa Lezip, ki ti etabli li koman gouverner Lezip ek son pale.

Proverb 16:1

Zonm i poz kestyon; me SENYER ki donn larepons.

Danyel 4:35

Tou zabitan later pa vo nanryen devan li. I tret mannyer i anvi bann zabitan lesyel ek later. Personn pa opoz son pwisans; personn pa demann li: Ki ou pe fer.

Psonm 106:46

I ti fer tou sa bann ki ti pe gard zot koman prizonnyen pran pitye pour zot.

Ezai 43:19

Mon pe al fer keksoz nouvo; deza i pe konmans bourzonnen; ou devre rekonnet! Mon pou tras semen dan dezer e fer sours delo koule dan bann landrwa sek.

Psonm 105:25

I ti sanz leker bann Ezipsyen, fer zot ay son pep e fer konplo kont son bann serviter.

Nehemi 2:4

Lerwa ti dir mwan, “Ki ou annan pour demann mwan?” Alor mon ti priy Bondye dan lesyel.

Nehemi 1:11

O SENYER! Ekout mon lapriyer e siplikasyon ou bann serviter ki pran plezir pour onor ou non. Fer ou serviter reisi ozordi e fer li ganny faver sa zonm.” Sa lepok mon ti responsab labwason lerwa.

Psonm 74:15

Ou ki'n fer koule bann sours delo ek bann larivyer, ou'n fer sek bann gran larivyer ki pa zanmen sek.

Ezai 44:27

Mwan ki dir avek losean: Vin sek. Mon pou fer sek bann larivyer.

Psonm 93:4

Dan lesyel lao, SENYER i pli pwisan ki tapaz bann losean. I pli pwisan ki bann laroul dan lanmer.

Revelasyon 16:12

Sizyenm lanz ti devers son lakoup lo sa gran larivyer Efrat. Son delo ti sek pour prepar en semen pour bann lerwa ki sorti dan Les.

Revelasyon 16:4

Trwazyenm lanz ti devers son lakoup dan bann larivyer ek tou bann sours delo. Zot ti sanze e vin disan.

Psonm 114:5

Lanmer! Ki'n arive avek ou pour ou sove? Larivyer Zourden! Akoz ou rekile?

Psonm 114:3

Lanmer ti sove ler i ti war sa; larivyer Zourden ti kile.

Zeremi 39:12

Al sers Zeremi e pran byen swen avek li. Pa fer li dimal, me tret li parey i ava demann ou.

Egzod 7:3

Me mwan, mon pou andirsi leker Faraon. Menm si mon fer ankor plis bann siny ek bann mervey dan Lezip,

2 Rwa 19:33

I pou retourn par menm semen ki i ti vini; i pa pou antre dan sa lavil, SENYER ki deklare.

Esdras 1:1

Pandan premye lannen renny Siris, lerwa Lapers, SENYER ti realiz parol ki i ti'n prononse par profet Zeremi. I ti met dan lespri Siris, lerwa Lapers, lide pour fer en proklanmasyon e pibliy sa teks swivan partou dan son rwayonm antye:

Esdras 1:2

La sa ki Siris, lerwa Lapers i proklanmen: SENYER, Bondye lesyel, in donn mwan lotorite lo tou bann rwayonm lo later. In ordonn mwan konstri en tanp pour li Zerizalenm, dan pei Zida.

Nehemi 2:8

Donn mwan osi en let pour Asaf, gardyen lafore rwayal, pour ki i fourni mwan dibwa pour fer bann laport sitadel ki pre avek tanp, pour miray lavil e pour lakaz kot mon pou reste.” Lerwa ti aksepte sa ki mon ti'n demann li, akoz mon ti anba proteksyon Bondye.

Ester 2:17

Lerwa ti kontan Ester plis ki tou lezot fanm, e parmi tou bann zenn fiy vyerz, i ti ganny faver lerwa. Alor, lerwa ti plas kouronn rwayal lo son latet e fer li larenn dan plas Vasti.