Proverb 2:6 - Labib An Kreol Seselwa

⁶ Annefe, SENYER ki donn lasazes; konnesans ek larezon i sorti kot li.

Proverb 2:6 Referans Kwoze

Let Zak 1:5

Si parmi zot i annan enn ki mank lasazes, ki i demande e Bondye ava donn li. Annefe, Bondye i donn tou dimoun zenerezman san fer okenn repros.

Psonm 119:98

Ou komannman i rann mwan pli saz ki mon bann lennmi. I toultan dan mon lespri.

Liv Zob 32:8

Me an realite, sa ki donn zonm disernman, se lespri Bondye liniver.

Levanzil dapre Lik 21:15

Annefe, se mwan ki pou donn zot parol ek lasazes, ki personn parmi zot lennmi pa pou kapab argimante, ni kontredir.

Ezai 54:13

SENYER ki pou edik tou ou bann zanfan, e zot pou viv dan lape.

Levanzil dapre Zan 6:45

Bann profet in ekri: Zot tou zot pou ganny ansennyen par Bondye li menm. Tou dimoun ki ekout mon Papa e ki resevwar son lansennyman i vin kot mwan.

1 Rwa 3:12

mon pou donn ou sa ki ou'n demande: Mon pou donn ou lasazes ek disernman, pour ou swazir ant sa ki bon ek sa ki move, plis ki nenport ki avan ou e apre ou.

Let Zak 1:17

Tou don ekselan, tou kado parfe i sorti lao kot Bondye, Papa tou lalimyer ki pa zanmen sanze. Kot li napa menm lonbraz en sanzman.

Psonm 119:104

Ou bann direktiv i rann mwan saz. Alor, mon deteste tou semen mansonz.

Danyel 2:23

Bondye mon bann zanset! Mon montre mon rekonesans e louanz anver ou, akoz ou'n donn mwan lasazes ek pwisans, e la, ou'n revel mwan sa ki nou'n demann ou; ou'n revel nou sa ki lerwa in ordonnen.

Danyel 1:17

An sa ki konsern literatir ek lasazes, Bondye ti donn sa kat zennzan, disernman ek konnesans. Danyel ti osi kapab enterpret bann vizyon ek bann rev.

Ezai 8:20

Konsilte lalwa ek bann temwannyaz! Si zot pa pe eksprim dapre sa parol, Napa lespwar lalimyer en nouvo zour pour lepep.

1 Rwa 4:29

Bondye ti donn Salomon gran lasazes ek lentelizans, ek en grander lespri larz koman disab dan bor lanmer.

Danyel 2:21

I sanz letan ek sezon, i ranvers en lerwa e etablir en lot lerwa; i donn lasazes bann saz e konnesans bann ki annan disernman.

Proverb 6:23

Annefe, bann komannman i en lalanp, e lansennyman en lalimyer; bann lavertisman ek bann koreksyon, i en semen lavi.

Psonm 19:7

Lalwa SENYER i parfe, i restor lavi. Tou bann regleman SENYER i sir. I donn lasazes sa enn ki senp.

1 Rwa 3:9

Donn mwan, SENYER, disernman neseser pour gouvern ou pep, pour mwan disern sa ki bon ek sa ki move. Lekel ki kapab gouvern ou gran pep!”

Egzod 31:3

Mon'n ranpli li avek lespri Bondye, pour li ganny lasazes, disernman ek konnesans dan tou kalite travay.

1 Kronik 22:12

SENYER ava donn ou disernman ek lentelizans; i ava etabli ou renny byen ferm lo Izrael, pour ki ou gard lalwa SENYER, ou Bondye.

Nehemi 7:5

Bondye ti met dan mon lespri lide pour rasanble bann sef, bann zofisye ek lepep, pour fer en resansman. Mon ti war en liv lalis bann egzile ki ti'n retourn premye dan pei.

Liv Zob 22:22

Aksepte bann leson ki sorti kot li; gard son bann parol dan ou leker.

Psonm 51:6

Me ou kontan laverite ki dan fon leker. Alor, dan pli profon mon leker, fer mwan konn lasazes.

Eklezyas 2:26

I donn lasazes, konnesans ek lazwa sa enn ki fer li plezir. Me sa enn ki mal azir, i fer li rasanble bann byen pour sa enn ki fer plezir Bondye. Sa i zis vanite, konmsi ou pe tay deryer divan.

1 Rwa 10:24

Tou dimoun ti anvi ganny konsey Salomon pour ekout lasazes ki Bondye ti'n donn li.

Esdras 7:25

Kanta ou, Esdras, dapre lasazes ou Bondye ki ou posede, etabli bann ziz ek mazistra pour ki zot rann lazistis lo tou dimoun ki reste lo lot kote larivyer Efrat e tou bann ki konn lalwa ou Bondye; ansenny sa bann ki pa konnen.

Liv Zob 12:13

Me lasazes ek lapwisans i kot Bondye. Bondye ki posed disernman; tou son bann plan i bon.

Liv Zob 12:16

Bondye ki posed lafors ek lasazes; sa enn ki ganny tronpe e sa enn ki tronp lezot osi.

Psonm 19:8

Bann direktiv SENYER i zis; zot fer leker kontan. Bann komannman SENYER i donn lalimyer; zot fer war kler.

Psonm 94:10

Sa enn ki koriz bann nasyon pa kapab pini? Pa li menm ki donn zonm konnesans. Eski i pa kapab pini?

Psonm 119:34

Donn mwan disernman, pour mwan konpran ou lalwa e met li an pratik avek tou mon leker.