Proverb 2:4 - Labib An Kreol Seselwa

⁴ si ou rod lasazes parey ou rod larzan; si ou rod li parey ou rod en trezor,

Proverb 2:4 Referans Kwoze

Matye 13:44

“Rwayonm lesyel i parey en trezor ki'n ganny kasyet dan en plantasyon. En zonm ki'n dekouver sa trezor, i kasyet li ankor en fwa. Dan son kontantman, i al vann tou sa ki i posede pour li aste sa plantasyon.”

Matye 19:29

Tou bann ki'n kit zot lakaz, frer, ser, papa, manman, zanfan, propriyete akoz mwan, pou ganny 100 fwa plis e zot pou erit lavi eternel.

Proverb 16:16

Vomye posed lasazes plito ki lor; vomye annan disernman plito ki larzan.

Liv Zob 3:21

Zot esper lanmor, me lanmor pa vini. Zot rod lanmor plis ki en trezor.

Levanzil dapre Lik 16:8

Bourzwa sa administrater malonnet ti felisit li pour fason malen ki i ti'n azir. Annefe, bann zanfan lemonn, zot pli malen dan zot zafer, ki bann zanfan lalimyer.”

Eklezyas 4:8

En zonm i tousel; i napa ni zanfan, ni frer, me i travay san pozman. Son lizye pa zanmen fatige war larises. Alor, pour ki i pe travay e pe priv son lekor? Sa i vanite e en move sityasyon pour viv ladan.

Proverb 23:23

Kiltiv laverite e pa vann li; kiltiv lasazes, lenstriksyon ek disernman.

Psonm 119:127

Mon vreman kontan ou bann komannman plis ki lor, menm plis ki lor pir.

Psonm 119:72

Lalwa ki sorti dan ou labous i pli bon pour mwan ki milyon lobze annor e annarzan.

Psonm 119:14

Mon kontan swiv ou bann lalwa, konmsi mon posed tou larises.

Psonm 19:10

Zot pli presye ki lor, ki en kantite lor pir. Zot pli dou ki dimyel, ankor pli dou ki dimyel ki koule dan gof.

Proverb 2:3

si ou vreman demann disernman; si ou demann larezon;

Proverb 8:17

Mon kontan dimoun ki kontan mwan. Sa bann ki vreman rod mwan i kapab trouv mwan.

Zenez 26:32

Sa menm zour, bann serviter Izaak ti vin rakont li ki zot ti'n fouy en pwi. Zot ti dir li, “Nou'n trouv delo.”

Proverb 4:7

Pour vin en saz, konmans par ganny lasazes. Donn tou sa ki ou posede pour ou ganny disernman.