Proverb 18:2 - Labib An Kreol Seselwa

² Sa enn ki bet pa enterese konpran, me i zis oule fer letalaz son bann lide.

Proverb 18:2 Referans Kwoze

Proverb 1:7

Respe pour SENYER i konmansman lasazes. Zis bann fou ki napa respe pour lasazes ek lenstriksyon.

Proverb 12:23

En dimoun pridan i kasyet sa ki i konnen; me en fou i dir en ta betiz.

Proverb 17:16

Ki en sonm larzan i kapab fer dan lanmen en fou? Pour li aste lasazes? Non, i tro bet pour fer menm sa.

Proverb 13:16

Sa enn ki pridan i reflesir avan azir; me sa enn ki fou i montre son lafoli.

1 Korentyen 8:1

Lo size lavyann ki'n ganny ofer avek zidol, i vre ki parey zot dir, nou tou, nou annan konnesans. Me sa konnesans i fer nou vin vantar, tandis ki lanmour i konstri lakominote.

Eklezyas 10:3

Ler en fou i marse lo semen, tou dimoun i war ki i fou akoz sa ki i fer napa sans.

Filipyen 1:15

Serten pe anons Kris par zalouzi e avek en lespri kontrovers kont mwan. Me i annan ki pres avek en bon lentansyon.

1 Korentyen 14:12

Alor, akoz zot pe fer tou pour ganny bann don Lespri, fer tou pour zot ganny bann don ki pour fer Legliz progrese.

Matye 8:34

Alor, tou bann zabitan lavil ti sorti e al rankontre Zezi. Kan zot ti war li, zot ti sipliy li pour kit zot teritwar.

Proverb 1:22

Zot bann bet! Ziska kan zot pou kontinyen kontan zot sotiz? Ziska kan bann ensolan pou kontan ensilte, e bann sot deteste konnesans?

Proverb 18:3

Mesanste i anmenn mepri; dezoner i anmenn laont.