Proverb 16:3 - Labib An Kreol Seselwa

³ Konfye ou travay avek SENYER, e ou ava realiz ou bann proze.

Proverb 16:3 Referans Kwoze

Proverb 3:6

Rekonnet li dan tou sa ki ou antreprann e i ava gid ou lo ou semen.

Psonm 55:22

Desarz tou ou fardo lo SENYER, i pou soutenir ou. Zanmen i pou les en zis tonbe.

Filipyen 4:6

Pa bezwen enkyet pour nanryen, me dan tou sirkonstans, dan lapriyer ek siplikasyon, avek en leker rekonesan, demann Bondye tou sa ki zot bezwen.

1 Pyer 5:7

Desarz tou zot traka lo li, akoz i pran swen avek zot.

Liv Zob 5:8

Dan ou plas, mon ti ava rod Bondye. Devan Bondye ki mon ti pou met mon konplent.

Liv Zob 22:28

Ou ava reisi dan tou sa ki ou deside fer, e ou ava mars dan lalimyer.

Levanzil dapre Lik 12:22

Zezi ti dir avek son bann disip, “Pour sa rezon, mon dir zot pa bezwen trakase lo size zot lavi, pour konnen ki zot pou manze; ni pour zot lekor, pour konnen ki zot pou mete.