Proverb 13:7 - Labib An Kreol Seselwa

⁷ Serten i fer sanblan i ris alor ki i napa nanryen. Serten i fer sanblan ki i pov alor ki i ris.

Proverb 13:7 Referans Kwoze

Revelasyon 3:17

Ou dir: Mon ris, mon'n anrisi, e mon pa bezwen nanryen. Me ou pa konnen konbyen ou malere, mizerab, pov, aveg e touni.

Proverb 12:9

I preferab ganny meprize, me annan en serviter, ki fer gran zar san annan nanryen pour manze.

Proverb 11:24

Sa enn ki donn avek gran ker, i vin ankor pli ris; sa enn ki pa rann sa ki i dwa, i vin pli pov.

2 Korentyen 6:10

Nou pas par latristes, me nou touzour dan lazwa. Nou pov, me nou anrisi bokou dimoun. Nou paret napa nanryen, me an realite nou posed tou!

2 Korentyen 4:7

Me sa trezor, nou pe anmenn li dan bann po fer avek later, pour montre ki sa pwisans siperyer, i sorti kot Bondye, pa kot nou.

2 Pyer 2:19

Zot promet laliberte, tandis ki zot menm, zot lesklav bann plezir ki detri zot. Annefe, sakenn i lesklav sa ki domin li.

Let Zak 2:5

Mon bann frer byenneme! Ekoute: Bondye in swazir dimoun ki pov dan lemonn, pour fer zot ris dan lafwa, e vin bann zeritye Rwayonm ki i'n promet bann ki kontan li.

Levanzil dapre Lik 12:21

Zezi ti azoute, “Sanmenm sa ki arive avek sa enn ki anmas larises pour li menm, me ki pa ris devan Bondye.”

Proverb 13:11

Larises ki'n ganny vit i disparet vit; me larises ki'n ganny anmase ptitapti ava ogmante.

Revelasyon 2:9

Mon konn ou bann soufrans, ek ou mizer. Pourtan, ou ris. Mon konn dimal ki bann swadizan Zwif, me ki pa Zwif i dir lo ou. An realite, zot form en lasanble Satan.

1 Korentyen 4:8

Deza zot posed tou sa ki zot anvi: Zot in vin ris; zot in vin bann lerwa san nou. Mon ti ava kontan si zot ti vreman bann lerwa, pour ki nou osi, nou ti ava pe rennyen ansanm avek zot.

Levanzil dapre Lik 12:33

Vann tou sa ki zot posede e donn sa larzan bann pov. Fer bann portmonnen ki pa ize, e anmas zot larises dan lesyel, kot voler pa kapab aprose, e kot karya pa kapab detri.

Levanzil dapre Lik 12:20

Me Bondye ti dir li: Enbesil! Tanto menm ou pou bezwen rann kont ou lavi. Lekel ki pou ganny tou sa ki ou'n anmase?”

Proverb 13:8

Larises i protez lavi sa enn ki ris; me en pov pa zanmen ganny menase.