Proverb 12:3 - Labib An Kreol Seselwa

³ Mesanste pa met personn an sekirite; me nanryen pa pou fer tonbe sa enn ki zis.

Proverb 12:3 Referans Kwoze

Proverb 10:25

Ler tanpet i vini, malfeter i fannen; me sa enn ki zis i reste pour touzour.

Efezyen 3:17

e ki Kris ava reste dan zot leker par lafwa. Mon priye ki zot ava ganny anrasinen e byen etabli dan lanmour,

Proverb 12:12

En malfeter i dezir fer sa ki malonnet; me rasin sa enn ki zis i prodwi bann fri.

Kolosyen 2:7

Viv anrasinen dan li; konstri zot lavi lo li; reste touzour pli ferm dan lafwa dapre sa lansennyman ki zot in resevwar, e montre ki zot ranpli avek rekonesans.

Psonm 15:5

I pret larzan san demann okenn lentere; i pa aksepte gous pour akiz en inosan. Sa enn ki fer tousala, pa pou zanmen tonbe.

1 Samyel 25:33

Mon remersye ou pour ou desizyon saz pour anpes mwan komet sa krim e pran vanzans dan mon prop lanmen.

Liv Zob 15:29

I pa pou prospere; son larises pa pou dire. I pou nepli annan lenfliyans dan pei.

Proverb 11:5

Lazistis en zonm onnet i gard li lo bon semen; me malfeter i tonbe akoz son mesanste.

Eklezyas 8:8

Personn napa kapab kontrol lo lavi; personn pa kapab retard zour son lanmor; dan lager personn pa kapab sove; mesanste pa les personn ki move, sape.