Proverb 1:7 - Labib An Kreol Seselwa

⁷ Respe pour SENYER i konmansman lasazes. Zis bann fou ki napa respe pour lasazes ek lenstriksyon.

Proverb 1:7 Referans Kwoze

Liv Zob 28:28

Alor Bondye ti dir avek limanite: Respe pour SENYER, sanmenm sa lasazes. Elwanny ou avek lemal, e ou ava trouv disernman!

Psonm 111:10

Konmansman lasazes i respe anver SENYER. Sa enn ki annan bon zizman i swiv sa. Laglwar SENYER i dire pour touzour.

Eklezyas 12:13

Ekout konklizyon tousala: Annan respe pour Bondye e obei son komannman. La sa ki tou et imen i devre fer.

Proverb 9:10

Respe pour SENYER i konmansman lasazes. Rezonnman i konmans avek konnesans sa enn ki sen.

Proverb 15:33

Respe pour SENYER i ansenny lasazes. Limilite i vin avan loner.

Proverb 18:2

Sa enn ki bet pa enterese konpran, me i zis oule fer letalaz son bann lide.

Proverb 1:22

Zot bann bet! Ziska kan zot pou kontinyen kontan zot sotiz? Ziska kan bann ensolan pou kontan ensilte, e bann sot deteste konnesans?

Romen 1:28

Ensi, akoz zot in refize rekonnet Bondye, Bondye in les zot ale avek zot lespri deregle dan bann pratik onte.

Proverb 15:5

En fou i mepriz lenstriksyon son papa; me sa enn ki aksepte bann reprimann i pridan.

Deterononm 4:6

Gard zot e met zot byen an pratik. Sa i ava montre bann pep zot lasazes ek zot lentelizans. Ler bann pep ava antann tou sa bann regleman, zot ava dir: Vreman sa gran nasyon i en pep saz e entelizan!

Proverb 2:5

alor, ou ava konpran ki savedir respe pour Bondye e ou ava reisi konn Bondye.

Proverb 15:32

Sa enn ki refiz lenstriksyon, i mepriz son prop lekor; sa enn ki ekout konsey, i aprann koman reflesir.

Proverb 23:9

Pa koz avek en zonm ki bet; i pou mepriz valer ou bann parol.