Proverb 1:4 - Labib An Kreol Seselwa

⁴ Sa bann proverb ava rann pridan sa enn ki napa leksperyans, pour donn lazenes konnesans e ed zot pour reflesir.

Proverb 1:4 Referans Kwoze

Proverb 8:5

Zot bann fou! Ganny lespri dan zot latet. Zot ki'n perdi rezon! Aprann rezonnen.

Proverb 8:17

Mon kontan dimoun ki kontan mwan. Sa bann ki vreman rod mwan i kapab trouv mwan.

Psonm 119:9

Konman eski en zenn i kapab gard son lavi pir? Kan i obei parol SENYER.

Proverb 8:32

Aprezan, mon bann zanfan! Ekout mwan. Byennere sa bann ki swiv mon semen.

Proverb 8:12

Mwan lasazes, mon viv avek pridans; mon dekouver konnesans avek refleksyon.

Psonm 119:130

Revelasyon ou parol i donn lalimyer; i donn disernman sa enn ki senp.

Let Pol pour bann Tit 2:6

Ou devre ankouraz bann zennzan pour vin rezonnab.

2 Timote 2:22

Alor, pa swiv bann pasyon lazenes. Rod lazistis, lafwa, lanmour, lape, ansanm avek bann ki envok Senyer avek en leker pir.

Ezai 35:8

La ki ou annan en gran semen ki pou ganny apele: Semen Sentete. Dimoun enpir pa pou kapab pas par la. I pou ganny rezerve zis pou pep Bondye. Okenn vwayazer, ni menm bann fou pa pou rantre san fer atansyon.

Proverb 3:21

Mon garson! Gard ou lizye fikse lo lasazes ek refleksyon.

Psonm 34:11

Mon bann zanfan! Vini. Ekout mwan. Mon ava ansenny zot respe pour SENYER.

Psonm 19:7

Lalwa SENYER i parfe, i restor lavi. Tou bann regleman SENYER i sir. I donn lasazes sa enn ki senp.

Eklezyas 11:9

Ou ki ankor zenn, profit byen bann lannen ou lazenes. Viv ere pandan ki ou ankor zenn. Fer tou sa ki ou kontan, e tou sa ki donn ou plezir. Me ou bezwen konnen ki Bondye pou ziz tou ou bann aksyon.

Psonm 116:6

SENYER i protez dimoun ki senp; ler mon ti feb, i ti vin sov mwan.

Deterononm 4:6

Gard zot e met zot byen an pratik. Sa i ava montre bann pep zot lasazes ek zot lentelizans. Ler bann pep ava antann tou sa bann regleman, zot ava dir: Vreman sa gran nasyon i en pep saz e entelizan!