Proverb 1:21 - Labib An Kreol Seselwa

²¹ I kriy dan bann krwaze semen kot i annan bokou dimoun. Devan lantre lavil i dir:

Proverb 1:21 Referans Kwoze

Akt de Zapot 5:20

“Ale! Met zot debout dan Tanp e anons lepep sa mesaz konsernan sa nouvo Lavi.”

Matye 13:2

En sitan gran lafoul ti rasanble otour li, ki i ti bezwen mont lo en kannot kot i ti asize. Lafoul ti reste ater obor delo.

Matye 10:27

Sa ki mon dir zot dan fernwanr, repet li dan kler. Sa ki zot tande an sekre, pibliy li lo twa lakaz.

Proverb 9:3

I'n anvoy son bann servant pour kriye lo bann oter dan lavil:

Levanzil dapre Zan 18:20

Zezi ti reponn li, “Mon'n koz an piblik devan tou dimoun. Mon'n touzour ansenny dan bann sinagog e dan Tanp kot tou Zwif i rasanble. Mon pa'n zanmen dir nanryen an kasyet.

Proverb 1:20

Lasazes i kriye dan bann semen. I fer tande son lavwa lo bann plas piblik.

Proverb 1:22

Zot bann bet! Ziska kan zot pou kontinyen kontan zot sotiz? Ziska kan bann ensolan pou kontan ensilte, e bann sot deteste konnesans?

Proverb 8:1

Ekoute! Lasazes pe apele. Rezonnman pe fer tande son lavwa.

Proverb 8:3

I ti kriy for, akote bann laport devan lavil, devan lantre bann lakaz: