Oze 1:1 - Labib An Kreol Seselwa

¹ SENYER ti koz avek Oze, garson Beeri, dan lepok ki Ozyas, Yotanm, Akaz, Ezekyas, bann lerwa rwayonm Zida. Ti osi lepok Zeroboanm, garson Yoas, lerwa rwayonm Izrael.

Oze 1:1 Referans Kwoze

Romen 9:25

La sa ki profet Oze i deklare: Bann ki pa ti mon pep, mon pou apel zot: Mon pep. Nasyon ki mon pa ti kontan, mon pou apel zot: Mon Byenneme.

Mise 1:1

SENYER ti koz avek Mise ki sorti Moreset, dan lepok Yotanm, Akaz ek Ezekyas bann lerwa dan rwayonm Zida. SENYER ti revel par bann vizyon sa ki ti konsern Samari ek Zerizalenm.

Ezai 1:1

Vizyon ki Ezai, garson Amoz ti war konsernan rwayonm Zida ek lavil Zerizalenm dan bann lepok ki Ozyas, Zotanm, Akaz ek Ezekyas ti lerwa Zida.

Amos 1:1

La bann parol Amos, en berze sorti Tekoa, dapre sa ki SENYER ti revel li konsernan rwayonm Izrael. Sa ti ariv 2 an avan tranblemandter, dan lepok lerwa Ozyas, lerwa Zida ek Zeroboanm, garson Zoas, lerwa Izrael.

2 Rwa 15:32

Dan dezyenm lannen Peka, garson Remalia, lerwa Izrael, Yotanm, garson Oze, ti vin lerwa Zida.

2 Rwa 14:16

Zoas ti mor e ganny antere Samari, avek son bann zanset e avek bann lerwa Izrael. Son garson Zeroboanm ti vin lerwa dan son plas.

2 Pyer 1:21

Annefe, napa okenn mesaz profesi ki'n ganny prodwir par lavolonte imen, me se Lespri Sen ki'n pous dimoun pour koz delapar Bondye.

Levanzil dapre Zan 10:35

Nou konnen ki sa ki Lekritir in dir i vre, e Bondye ti apel sa bann dimoun avek ki i'n adres son mesaz, bann bondye.

Zakari 1:1

Wityenm mwan, dan dezyenm lannen ki Dariis ti lerwa Lapers, SENYER ti koz avek profet Zakari, garson Berekya, garson Ido:

Zonas 1:1

SENYER ti koz avek Zonas, garson Amitai. I ti dir li:

Zoel 1:1

SENYER ti koz avek Zoel, garson Petouel:

Ezekyel 1:3

kan SENYER ti adres son parol avek pret Ezekyel, garson Bouzi, lo bor larivyer Kebar, dan Babilonn. SENYER ti poz son lanmen lo li.

Zeremi 1:4

SENYER ti koz avek mwan,

Zeremi 1:2

SENYER ti adres li laparol dan trezyenm lannen ki Zozyas, garson Amonn, ti lerwa Zida.

2 Rwa 13:13

Zoas ti mor e Zeroboanm ti mont lo son tronn. Zoas ti ganny antere Samari avek bann lerwa Izrael.

2 Rwa 14:23

Dan kenzyenm lannen Amasya, garson Zoas, lerwa Zida, Zeroboanm, garson Yoas, lerwa Izrael, ti konmans son renny dan Samari. I ti renny pandan 41 an.

2 Rwa 15:5

SENYER ti pini lerwa ki ti ganny lalep ziska son lanmor, e viv dan en lakaz separe. Yotanm, garson lerwa, ti vin sef lafanmir rwayal e i ti gouvern lepep son pei.

2 Rwa 15:7

Azarya ti mor e ganny antere avek son bann zanset dan lavil David. Yotanm ti vin lerwa dan son plas.

2 Kronik 27:1

Yotanm ti annan 25 an ler i ti vin lerwa. I ti rennyen pandan 16 an Zerizalenm. Son manman ti apel Yerousa, fiy Sadok.

2 Kronik 28:1

Akaz ti annan 20 an ler i ti vin lerwa. I ti renny pandan 16 an dan Zerizalenm. Son bann aksyon, kontrerman avek pour son zanset David, pa ti fer plezir SENYER.

2 Kronik 29:33

An plis, zot ti konsakre 600 bef, 3,000 mouton ek kabri pour lezot sakrifis.

Ezai 7:1

Lepok ki Akaz, garson Yotanm, garson Ozyas, ti lerwa Zida, Rezin, lerwa Siri e Peka, garson Remalia, lerwa Izrael, ti ale pour atak Zerizalenm. Me zot pa ti kapab mont en latak kont li.