Nonm 9:17 - Labib An Kreol Seselwa

¹⁷ Sak fwa ki nyaz ti leve par lao Latant, pep Izrael ti deplase dan landrwa kot nyaz ti diriz zot. La kot sa nyaz ti arete, bann Izraelit ti kanpe.

Nonm 9:17 Referans Kwoze

Levanzil dapre Zan 10:9

Mwan menm laport; sa enn ki antre par mwan, pou ganny sove. I pou antre e sorti, e i pou trouv dekwa manze.

Psonm 73:24

Ou kondwir mwan par ou bann konsey; apre, ou ava akey mwan dan laglwar.

Psonm 32:8

Mon pou ansenny ou. Mon pou montre ou ki semen ou pou swiv. Mon pou konsey ou; mon lizye pa pou kit ou.

Ezai 49:10

Zot pou nepli lafen, zot pou nepli swaf; ni divan so ni soley pa pou fer zot soufer, akoz zot gid pou sa enn ki annan konpasyon pour zot e ki pou kondwir zot kot i annan sours delo.

Egzod 17:1

Pep Izrael ti kit dezer Sin par letap, parey SENYER ti'n ordonn zot. Zot ti al kanp Refidim. Me laba ti napa delo bwar pour lepep.

Nonm 9:22

Si nyaz ti reste pour de zour, en mwan, ou menm pli lontan par lao Latant, bann Izraelit ti reste kanpe e zot pa ti bouze. Me kan nyaz ti leve, zot ti deplas avek li.