Nonm 9:15 - Labib An Kreol Seselwa

¹⁵ Zour ki zot ti dres Latant SENYER, nyaz ti kouver Latant Temwannyaz. Aswar, i ti kouver Latant SENYER avek en lalimyer ziska bomaten.

Nonm 9:15 Referans Kwoze

Egzod 13:21

SENYER ti al devan zot dan en kolonn nyaz pandan lazournen e dan en kolonn dife aswar, pour zot kapab kontinyen marse lizour koman aswar.

Egzod 40:34

Alor, en nyaz ti vin kouver Latant Rankont e laglwar SENYER ti ranpli sanktyer.

Psonm 78:14

Lizour, i ti gid zot par nyaz e lannwit, par dife.

Nehemi 9:19

Dan ou gran konpasyon, ou pa ti abandonn zot dan dezer. Kolonn nyaz, pa ti arete gid zot pandan lazournen, ni kolonn dife aswar, ki ti kler semen ki zot ti devre swiv.

1 Korentyen 10:1

Mon bann frer ek ser! Mon oule zot konnen sa ki ti arive avek nou bann zanset dan tan Moiz. Zot tou, zot ti anba proteksyon nyaz; zot tou, zot ti travers lanmer.

Ezai 4:5

Alor, SENYER ava kree lo montanny Siyon e lo bann lasanble ki'n ganny konvoke, en nyaz avek lafimen pandan lazournen, e en laklerte koman en laflanm dife pandan lannwit. Konmsa, laglwar SENYER pou kouver tou,

Psonm 105:39

I ti plas en nyaz pour protez zot; en dife ti ekler zot dan lannwit.

Nehemi 9:12

Ou ti gid zot pandan lazournen par en kolonn nyaz, aswar par en kolonn dife pour ekler semen ki zot devre swiv.

Nonm 14:14

Zot in rakont avek zabitan sa pei; sa bann dimoun in tande ki ou SENYER, ou parmi ou pep, ki ou SENYER ou aparet fas a fas. Ou dan nyaz par lao latant. Ou diriz zot dan en kolonn nyaz lizour e dan en kolonn dife aswar.

Egzod 40:38

Dan lazournen, nyaz SENYER ti reste lo sanktyer; dan lannwit, ti annan en dife dan nyaz ki tou Izrael ti kapab war tou dilon zot vwayaz.

Egzod 40:2

Premye zour, premye mwan, ou ava mont sanktyer Latant Rankont.

Egzod 14:24

Byen granmaten, atraver kolonn dife ek nyaz, SENYER ti regard troup bann Ezipsyen e senm panik parmi zot.

Egzod 13:22

Sa kolonn nyaz pa ti kit lepep pandan lizour, ni sa kolonn dife aswar.

Nonm 10:34

Sak fwa ki zot ti deplase, nyaz SENYER ti touzour la par lao zot pandan lazournen.

Nonm 17:7

Moiz ti depoz sa bann baton devan SENYER dan Latant Temwannyaz.

Deterononm 1:33

ki ti pe mars devan zot, pour trouv en plas pour zot kanpe. Aswar, i ti dan kolonn dife, lizour i ti dan nyaz pour montre zot semen ki zot devre pran.

Egzod 40:35

Moiz pa ti kapab antre dan Latant Rankont, akoz nyaz ti reste lo la e laglwar SENYER ti ranpli sanktyer.