Nonm 9:14 - Labib An Kreol Seselwa

¹⁴ Si en etranze pe reste parmi zot e i anvi selebre Pak an loner SENYER, i devre swiv menm regleman ek bann koutim ki'n ganny etabli pour sa lafet. Zot ava aplik menm regleman pour bann etranze e pour bann natif.

Nonm 9:14 Referans Kwoze

Levitik 24:22

Menm lalwa ava aplik pour en etranze koman pour en Izraelit.

Deterononm 31:12

Ou ava rasanble lepep: Zonm, fanm, zanfan, etranze ki pe reste dan ou bann lavil, pour ki zot antann e aprann respe pour SENYER, ou Bondye e obzerv byen tou bann parol sa lalwa.

Deterononm 29:11

Zot bann zanfan, zot bann fanm, zot osi prezan. Dan zot kan i annan osi bann etranze, bann ki koup dibwa pour ou ek bann ki al sers delo pour ou.

Levitik 25:15

Kan ou aste avek ou vwazen, ou ava tenir kont bann lannen ki'n pase depi zibile. Ou ava vann dapre restan bann lannen rekolt.

Levitik 22:25

Ou pa devre osi aksepte okenn sa bann zannimo avek en etranze pour ofer koman nouritir pour ou Bondye. Blesir ki zot in gannyen i vin en defo. Zot pa pou kapab ganny aksepte.

Levitik 19:10

Ou pa pou retournen pour ranmas bann grap rezen ki ti'n reste lo pye, ni bann ki ti'n tonbe. Ou ava les sa pour bann pov ek bann etranze. Mwan menm SENYER ou Bondye.

Egzod 12:43

SENYER ti dir Moiz ek Aaron, “La regleman pour selebre Pak: Okenn etranze pa devre manz repa Pak.

Egzod 12:47

Pep Izrael antye i devre selebre sa lafet.

Nonm 15:15

Pou annan en menm regleman pour zot kominote e pour bann etranze ki parmi zot. Sa i pou en re-gleman pour touzour.

Nonm 15:16

En sel lalwa pou aplik pour zot e pour bann etranze ki reste parmi zot.

Esdras 6:21

Bann Izraelit ki ti'n retournen sorti annegzil, ti manz repa Pak ansanm avek tou bann ki ti'n ganny separe zot avek bann koutim bann nasyon. Zot ti zwenn ansanm, pour ador SENYER, Bondye Izrael.