Nonm 6:14 - Labib An Kreol Seselwa

¹⁴ I ava ofer SENYER son don: En zenn mouton mal enn an, san defo koman en sakrifis konplet; en zenn femel mouton aze enn an san defo pour en sakrifis pese e en mouton mal adilt san defo, koman en sakrifis lape.

Nonm 6:14 Referans Kwoze

Levitik 4:32

Si en dimoun i ofer en mouton koman sakrifis pour pardon pese, i devre anmenn en femel, san defo.

Levitik 3:6

Si en dimoun i ofer koman sakrifis lape en zannimo sorti dan son troupo mouton oubyen kabri, i ava pran en mal oubyen en femel ki san okenn defo.

1 Pyer 1:19

me par disan presye Kris, ki'n ofer li menm koman en zenn mouton san defo e san okenn tas.

1 Kronik 15:26

Avek sekour Bondye ki bann Levit ti transport Kof Lalyans SENYER; zot ti ofer set toro ek set mouton mal koman sakrifis.

Nonm 15:27

Si en sel dimoun ki'n fer sa pese envolonter, i ava ofer en femel kabri aze enn an pour son pese.

Levitik 14:10

Wityenm zour, i ava pran de mouton mal san defo, en zenn femel mouton aze enn an e san defo, en lofrann nef kilo lafarin meyer kalite, petri avek delwil, ek en demi lit delwil.

Levitik 4:27

Si, enkonsyanman, en dimoun ordiner i komet en pese kont enn bann komannman SENYER, e rann li koupab;

Psonm 66:15

Mon pou ofer ou zannimo gra koman sakrifis konplet. Loder lafimen bann mouton mal pou mont kot ou. Mon pou ofer sakrifis toro ek mouton.