Nonm 5:23 - Labib An Kreol Seselwa

²³ Apre, sa pret ava ekri sa bann malediksyon dan en liv e answit lav dan sa delo anmer.

Nonm 5:23 Referans Kwoze

Revelasyon 20:12

Mon ti war bann mor, gran koman pti, pe debout devan tronn, e bann liv ti'n ouver. Ti annan osi en lot liv ki ti'n ouver: Liv lavi. Bann mor ti ganny zize dapre sa ki zot ti'n fer, e dapre sa ki ti'n ganny ekri dan sa bann liv.

Akt de Zapot 3:19

Donk, sanz zot mannyer viv e retourn ver Bondye pour ki i pardonn zot, zot pese.

Ezai 44:22

Mon'n balye ou bann fot parey en nyaz e ou bann pese parey en brouyar. Retourn kot mwan akoz mon'n sov ou.

Ezai 43:25

Pourtan, mwan, mwan menm, par mon prop pwisans, mon pardonn tou ou fot e mon pou oubliy tou ou bann pese.

Psonm 51:9

Pa get tou sa bann pese ki mon'n fer; efas tou mon bann fot.

Psonm 51:1

Mon Bondye! Dan ou gran fidelite, pran pitye pour mwan. Dan ou gran konpasyon, efas mon pese!

Liv Zob 31:35

Mon ti ava kontan si en dimoun ti ava ekout mwan! Sa i mon dernyen mo! Aprezan mon demann Bondye liniver reponn mwan. Bann lakizasyon ki mon ladverser in mete kont mwan,

2 Kronik 34:24

La sa ki SENYER i deklare: Mon pe anvoy maler lo Zerizalenm ek son zabitan. Mon pou fer realize tou sa bann malediksyon ki'n ekri dan sa liv e ki'n ganny lir devan lerwa Zida.

Deterononm 31:19

Aprezan alor, ekri sa kantik ki bann Izraelit ava aprann parker. Met son bann parol dan zot labous pour ki i vin en temwen kont bann Izraelit.

Egzod 17:14

SENYER ti dir Moiz, “Ekri sa koman en souvenir e fer Zozye konnen ki mon pou fer disparet bann Amalesit konpletman anba lesyel.”

Nonm 5:22

Sa delo ki donn malediksyon ava desann dan ou vant e fer li anfle e ou pou deperi. Sa fanm ava reponn: Amenn! Amenn!

Nonm 5:24

I ava fer sa fanm bwar sa delo anmer ki donn malediksyon. Sa delo anmer ki donn malediksyon ava penetre dan li e fer li santi douler.