Nonm 4:15 - Labib An Kreol Seselwa

¹⁵ Kan zot lev kan, ler Aaron ek son bann garson in fini kouver sanktyer avek tou son bann akseswar, bann garson Keat ava vini pour transport li. Me zot pa devre tous okenn sa bann lobze sakre. Si zot fer sa, zot pou mor. Sa i bann lobze dan Latant Rankont SENYER ki bann garson Keat a bezwen transporte.

Nonm 4:15 Referans Kwoze

Nonm 7:9

Bann garson Keat pa ti ganny okenn par, akoz zot travay ti zis pour transport bann lobze sakre lo zot zepol.

Deterononm 31:9

Moiz ti ekri sa lalwa e donn avek bann pret, bann garson Levi ki ti anmenn Kof Lalyans SENYER e tou bann ansyen dan Izrael.

Nonm 10:21

Apre, bann Keatit sorti dan tribi Levi ti anmenn bann lobze sakre. Pandan sa letan, Latant Temwannyaz ti pe ganny drese avan zot arive.

1 Kronik 15:2

David ti dir, “Personn napa drwa anmenn Kof Lalyans Bondye eksepte bann levit, akoz zot ki SENYER in swazir pour touzour, pour anmenn Kof Lalyans SENYER e pour servi li.”

1 Samyel 6:19

SENYER ti pini zabitan Bet-Semes, akoz zot ti'n get Kof SENYER. Sa zour, 70 zonm ti mor: 50,000 parmi lepep. Lepep ti an dey, akoz SENYER ti'n anvoy sa gran fleo lo zot.

1 Kronik 15:15

Bann levit ti anmenn Kof Lalyans Bondye lo zot zepol avek bann bar, parey Moiz ti'n ordonnen, dapre parol SENYER.

2 Samyel 6:13

Kan bann ki ti pe anmenn Kof SENYER ti fer sis pa, David ti ofer sakrifis en toro ek en zenn bef gra.

Zozye 4:10

Bann pret ki ti pe anmenn Kof lalyans ti reste debout dan milye Larivyer Zourden, ziska ki tou sa ki SENYER ti'n ordonn Zozye pou dir lepep, ti'n ganny egzekite e parey sa ki Moiz ti'n ordonn Zozye.

Nonm 3:38

Moiz, Aaron ek son bann garson ti kanp devan Latant SENYER, ki lo kote Les. Se zot ki pou fer servis dan sanktyer an faver pep Izrael. Sa enn ki apros sa landrwa, si i pa pret, devret ganny met anmor.

Nonm 1:51

Sak fwa ki Latant i ganny deplase, bann levit ava bezwen demont li, e sak fwa ki zot arete pour kanpe, bann levit ava remont li. Si en dimoun i aprose, i devret ganny met anmor.

Egzod 19:12

Ou ava demark bann limit otour montanny e ou ava dir zot fer atansyon ki zot pa tous montanny. Sa enn ki tous montanny pour ganny touye.

Egzod 27:7

Zot ava pas sa bann bar dan bann bag ki lo sak kote lotel ler pour li ganny transporte.

Levitik 16:13

I ava met lansan lo labrez devan SENYER; nyaz lafimen ki monte ava anvlop kouvertir Kof Lalyans ki annan dokiman lalyans. Konmsa i pa pou mor.

Nonm 1:50

Plito apwent zot pour pran ansarz Latant Temwannyaz e lo tou son bann lobze ek tou lezot propriyete Latant. Zot bezwen pran swen avek Latant e otour kan.

Nonm 4:14

Zot ava met lo lotel tou bann istansil ki servi pour sakrifis: Pwalon, fourset, lapel, bol, tou bann istansil ki servi lo lotel. Zot ava met en kouvertir an kwir par lao e met bann bar avek lotel.

Nonm 4:19

La sa ki ou ava fer pour zot pa mor ler zot apros landrwa sakre: Aaron ek son bann garson ava plas zot devan sa ki zot pou transporte.

Nonm 4:20

Zot pa devre antre dan Latant pour get okenn lobze sakre, pa menm pour en pti moman letan, pangar zot mor.

Nonm 18:3

Zot ava pran zot responsabilite anver ou dan servis Latant. Me zot pa devre apros obor okenn lobze sakre dan sanktyer, oubyen lotel, sankwa zot pou mor, e ou, ansanm avek zot.

2 Samyel 15:24

Sadok osi ti la avek tou bann levit ki ti pe anmenn Kof Lalyans Bondye. Zot ti depoz Kof Lalyans Bondye ziska ki tou lepep ti'n fini sorti dan lavil.

1 Kronik 23:26

Alor, bann Levit pa pou bezwen anmenn ankor sanktyer ek son bann lobze sakre pour son servis.”

Egzod 19:21

SENYER ti dir Moiz, “Desann e averti lepep pour ki zot pa vin tro pre avek SENYER pour vin gete. Sankwa bokou pou mor.

1 Rwa 8:3

Tou bann ansyen dan Izrael ti arive avek Kof lalyans ki ti pe ganny anmennen par bann pret.