Nonm 34:13 - Labib An Kreol Seselwa

¹³ Moiz ti transmet sa lord avek bann Izraelit: Sa i pei ki SENYER in donn sa nef tribi ek sa demi tribi, par tiraz osor.

Nonm 34:13 Referans Kwoze

Nonm 34:1

SENYER ti koz avek Moiz. I ti dir li:

Zenez 15:18

Sa zour, SENYER ti fer son lalyans avek Abranm. I ti dir, “Mon pou donn ou desandans, sa pei antye, depi larivyer Lezip ziska gran larivyer Efrat.

Nonm 26:52

SENYER ti dir avek Moiz:

Nonm 26:55

Partaz ava ganny fer lo tiraz osor, dapre non sak tribi, zot zanset.

Nonm 34:12

I pou redesann Sid tou dilon larivyer Zourden e fini dan lanmer Mor. Sa pou zot teritwar avek tou son bann frontyer.

Deterononm 11:24

Partou kot zot pou poz zot lipye ava vin pour zot: Zot teritwar pou al depi dezer ziska Liban e depi larivyer Efrat ziska lanmer Mediterane.

Ezekyel 45:1

Kan ou partaz later ant bann tribi Izrael pour donn zot koman en posesyon, ou ava rezerv en porsyon pour SENYER; i ava en porsyon sakre: 12,500 met longer e 10,000 met larzer. Sa teritwar antye pou ganny konsidere koman sakre.

Mise 2:5

Pour sa rezon, pou napa personn ki pou mezir en par pour donn ou dan lasanble SENYER.

Zozye 13:7

Aprezan alor, diviz sa pei avek sa nef tribi ek demi tribi Manase.”