Nonm 32:14 - Labib An Kreol Seselwa

¹⁴ Aprezan, zot desandan sa bann zonm peser, zot oule swiv legzanp zot zanset? Zot pare pour fer lakoler SENYER tonm pli for lo pep Izrael?

Nonm 32:14 Referans Kwoze

Levanzil dapre Lik 11:48

Sa i montre ki zot aprouv keksoz ki zot zanset ti fer. Annefe, zot bann zanset ti touy bann profet, e zot, zot konstri latonm.

Ezekyel 20:21

Me sa bann zanfan ti revolte kont mwan, zot pa ti obei mon bann lalwa; zot pa ti swiv mon bann regleman ki zonm i devre obei pour viv. Me zot in profann mon saba. Alor, mon ti'n pare pour tir mon gran lakoler san okenn kontrol lo zot dan dezer.

Ezai 57:4

Lekel ki zot pe monke? Kont ki zot pe ouver gran zot labous e tir zot lalang? Zot bann zanfan revolte, en zenerasyon koronpi.

Ezai 1:4

Maler! Nasyon koupab: Pep sarze avek krim, ras ki fer sa ki mal, zanfan koronpi. Zot in abandonn SENYER. Zot in mepriz Bondye Sen Izrael. Zot in tourn zot ledo avek li e zot kontinyen revolte!

Psonm 78:57

Me parey zot zanset, zot ti pran move semen. Zot pa ti reste fidel; Bondye pa ti kapab kont lo zot.

Liv Zob 14:4

Lekel ki kapab fer sa ki pir sorti dan sa ki enpir? Personn pa kapab.

Nehemi 13:18

Konmsa menm ki zot zanset ti azir. Pour sa rezon, nou Bondye in anvoy tou sa bann maler lo nou e lo sa lavil. Zot, zot pe ogmant son lakoler kont Izrael par mepriz son saba.

Esdras 10:10

Pret Esdras, ti debout. I ti dir zot, “Zot in komet en fot grav kan zot ti marye avek bann fanm etranze e zot in agrav tor Izrael.

Zenez 8:21

Loder son sakrifis ti fer plezir SENYER ki ti dir dan li menm: Mon pa pou zanmen modi later ankor akoz bann et imen. I vre ki depi son lazenes, leker zonm i move. Zanmen ankor mon pou detri bann vivan parey mon'n fer.

Zenez 5:3

Kan Adan ti annan 130 an, i ti ganny en garson ki ti vreman resanble li. I ti apel li Set.

Nonm 32:15

Si zot refize obei li, i pou kontinyen les Izrael dan dezer e zot pou responsab lanmor tou sa pep.”

Deterononm 9:24

Depi ki mon konn zot, zot in revolte kont SENYER.

2 Kronik 28:13

Zot ti dir, “Ou pa pou anmenn sa bann prizonnyen isi. Zot pou fer nou responsab pour en fot grav anver SENYER. Eski zot oule ogmant nou pese ek nou fot? Nou deza koupab e SENYER i byen ankoler kont Izrael.”