Nonm 29:12 - Labib An Kreol Seselwa

¹² Kenzyenm zour dan setyenm mwan, konvok en rasanbleman sakre e selebre en lafet an loner SENYER pandan set zour. Zot pa devre travay sa zour.

Nonm 29:12 Referans Kwoze

Levanzil dapre Zan 1:14

Laparol in vin en et imen. I'n vin reste parmi nou. Nou'n war son laglwar; laglwar son sel Garson ki sorti kot Papa, ranpli avek lagras ek laverite.

Ezekyel 45:25

Kenzyenm zour, dan setyenm mwan e pandan set zour lafet, i ava ofer sa menm sakrifis pour pese, sakrifis konplet, lofrann vezetal avek delwil.

Nehemi 8:18

Sak zour, depi premye zour ziska dernyen zour, zot ti lir liv lalwa Bondye. Zot ti selebre lafet pandan set zour. Dapre regleman, son wityenm zour, ti en zour lasanble solannel.

Nehemi 8:14

Zot ti war ekri dan liv lalwa, ki SENYER ti'n donnen par lentermedyer Moiz, ki pep Izrael ti devre reste dan bann payot pandan lafet, dan setyenm mwan,

Egzod 34:22

Ou ava selebre lafet Lapannkot; lafet premye rekolt lorz e lafet larekolt alafen lannen.

Egzod 23:16

Ou ava selebre lafet Larekolt, lafet bann premye fri ou travay, lafet sa ki ou ti senmen dan ou plantasyon. Alafen lannen, ou ava selebre lafet Larekolt, kan ou ava rekolte fri ou travay.

Nonm 29:1

Premye zour, setyenm mwan, zot ava fer en rasanbleman sakre. Zot pa pou travay sa zour. I ava en zour lafet.

Nonm 29:13

Premye zour, zot ava ofer en sakrifis konplet ki donn en loder ki fer plezir SENYER: 13 zenn toro, de bouk ek 14 zenn mouton mal, aze enn an e san okenn defo.

1 Rwa 12:32

Zeroboanm ti etabli en lafet, kenzyenm zour dan wityenm mwan, parey lafet dan Zida e i ti ofer sakrifis lo lotel. I ti fer parey zot ti fer Betel kot i ti ofer sakrifis devan sa bann stati zenn bef ki i ti'n fer. I ti nonm bann pret lo bann oter ki i ti'n konstri

Esdras 3:4

Zot ti selebre lafet bann Latant dapre Lalwa Moiz e ofer sakrifis pour sak zour parey lalwa in ordonnen.

Levitik 23:7

Zot ava fer en rasanbleman sakre son premye zour; zot pa pou fer okenn travay ordiner.

Nonm 29:35

Wityenm zour, zot ava konvok en dernyen rasanbleman sakre. Zot pa devre fer okenn travay sa zour.