Nonm 28:6 - Labib An Kreol Seselwa

⁶ Sa i zot lofrann ordiner ki ganny brile parey sa ki ti ganny ofer lo montanny Sinai: En sakrifis konplet ki donn en loder ki fer plezir SENYER.

Nonm 28:6 Referans Kwoze

Amos 5:25

Zabitan Izrael! Pandan 40 an ki zot ti dan dezer, mon pa'n zanmen demann zot okenn sakrifis ni lofrann.

Ezekyel 46:14

Tou le bomaten, zot ava osi ofer SENYER senk kilo lafarin melanze avek de lit delwil. Sa bann regleman pour lofrann tou le zour i valab pour touzour.

Psonm 50:8

Mon pa akiz ou akoz ou bann sakrifis; ou'n touzour ofer mwan bann sakrifis konplet.

Esdras 3:4

Zot ti selebre lafet bann Latant dapre Lalwa Moiz e ofer sakrifis pour sak zour parey lalwa in ordonnen.

2 Kronik 31:3

Lerwa ti donn kontribisyon sorti dan son prop byen pour sakrifis konplet: Sakrifis konplet bomaten ek aswar, sakrifis konplet pour saba, pour nouvellin, pandan lezot lafet parey in ekri dan lalwa SENYER.

2 Kronik 2:4

I mon lentansyon konstri en tanp an loner SENYER, mon Bondye. Mon pou dedye sa landrwa sen kot mon pep pou ador SENYER, mon Bondye, e bril lansan parfimen e ekspoz dipen sakre devan li. Nou pou ofer SENYER sakrifis konplet tou le bomaten, tou le swar e osi tou le saba, sak nouvellin ek lezot zour lafet, parey SENYER in ordonn Izrael pour touzour.

Levitik 6:9

Donn sa lord Aaron ek son bann garson: La bann rityel konsernan sakrifis konplet. Sa sakrifis konplet ava reste lo dife tou lannwit lo lotel ziska bomaten, e dife lo lotel ava reste alimen.

Egzod 31:18

Apre ki i ti'n fini koz avek Moiz lo montanny Sinai, Bondye ti donn li sa de plak an ros, bann komannman ki i ti'n ekri avek son ledwa.

Egzod 24:18

Moiz ti penetre dan sa nyaz e i ti mont lo montanny. I ti reste lo montanny pandan 40 zour, 40 nwit.

Filipyen 2:17

Petet ki mon disan ava ganny verse koman en lofrann avek sakrifis ki zot lafwa i prezante devan Bondye. Si sa i arive, mon ere e mon partaz mon lazwa avek zot tou.

Nonm 28:5

Pour lofrann vezetal: En kilo lafarin melanze avek en lit delwil doliv pir.

Nonm 28:7

Pour lofrann bomaten, ou ava ofer en lit diven ki ou ava vers lo lotel pour sak zenn mouton devan SENYER.

Ezekyel 46:15

Tou le bomaten zot ava ofer SENYER sa zenn mouton avek lafarin ek delwil koman lofrann; e sa pour touzour.

Levitik 27:34

Sa i bann komannman ki SENYER ti donn Moiz pour pep Izrael lo montanny Sinai.