Nonm 28:4 - Labib An Kreol Seselwa

⁴ Ou ava ofer en zenn mouton bomaten e en lot zenn mouton, soley kouse.

Nonm 28:4 Referans Kwoze

Danyel 9:21

Mon ti ankor pe priye, kan Gabriyel, sa zonm ki mon ti'n war avan dan en vizyon, ti anvol ver mwan avek en gran vites. Sa ti pandan sakrifis aswar.

1 Rwa 18:36

Kan ti ler pour ofer sakrifis, profet Eli ti avanse. I ti dir, “SENYER, Bondye Abrahanm, Izaak e Izrael! Tou dimoun ava konnen ozordi, ki se ou Bondye dan Izrael; ki mwan ou serviter e ki tou sa ki mon'n fer, se lo ou parol.

1 Rwa 18:29

Midi ti'n pase, zot ti konmans profetize ziska ler lofrann sakrifis apremidi. Me ti napa ni lavwa, ni repons, ni okenn siny latansyon.

Nonm 9:3

Zot ava selebre sa lafet dan letan ki'n ganny fikse, lo katorzyenm zour sa mwan, zis apre soley kouse. Gard byen sa ler pour selebre Pak e fer egzakteman dapre son bann rityel ek regleman.

Egzod 12:6

Zot ava gard li ziska katorzyenm zour sa mwan kan pep Izrael antye ava rasanble pour egorz li soley kouse.

Psonm 141:2

Aksepte mon lapriyer parey lansan ki mont kot ou e mon lanmen i leve parey en lofrann aswar.

Levitik 3:7

Si i ofer en zenn mouton, i ava prezant li devan SENYER.

Nonm 28:3

Ou ava dir zot: La bann lofrann ki zot ava prezant devan SENYER: Tou le zour, de zenn mouton mal, aze enn e an san defo, koman en sakrifis konplet.

Nonm 28:5

Pour lofrann vezetal: En kilo lafarin melanze avek en lit delwil doliv pir.

1 Kronik 16:40

pour ki zot ofer sakrifis devan SENYER lo lotel sakrifis konplet tou le bomaten e tou le swar devan SENYER, parey i'n ganny ekri dan lalwa SENYER ki i'n donn Izrael.

Zoel 1:13

Zot bann pret! Met zot lenz dey! Lamante, zot ki servi lo lotel! Antre dan tanp e pas lannwit dan lenz dey. Lamante, zot bann serviter Bondye! I nepli annan lofrann vezetal ek lofrann diven dan tanp zot Bondye.