Nonm 25:8 - Labib An Kreol Seselwa

⁸ swiv sa zonm ziska dan son latant e pers sa Izraelit ek sa fanm dan bavant. Apre sa, fleo ti arete parmi pep Izrael.

Nonm 25:8 Referans Kwoze

1 Kronik 21:22

David ti dir Ornann, “Donn mwan sa lanplasman pour mwan konstri en lotel pour SENYER, pour ki fleo ki pe tonm lo pep Izrael i arete. Mon sipliy ou, vann mwan e mon ava pey ou son valer.”

2 Samyel 24:25

I ti konstri en lotel pour SENYER; i ti ofer bann sakrifis konplet ek bann sakrifis lape. Alor, SENYER ti montre son labonte anver pei e fleo ki ti pe frap pei ti arete.

Nonm 25:11

“Fineas, garson Eleazar, garson Gran-Pret Aaron in apez mon lakoler par sa ki i'n fer. I ti zalou parey mwan e mon pa'n detri zot dan mon lakoler.

Nonm 25:5

Moiz ti dir bann ziz Izrael, “Zot tou, zot pou bezwen touy sa bann dimoun dan zot tribi ki'n al kot Baal-Peor.”

Malasi 2:5

Mon lalyans avek li, ti en lalyans lavi ek lape. Mon ti donn li pour zot ganny respe pour mwan e vreman onor mon non.

Nonm 17:13

Tou dimoun ki apros Latant SENYER pou mor. Eski nou tou nou pou mor?

Zozye 7:26

Zot ti met en gro ta ros lo li, ki ankor la ozordi. Alor, gran lakoler SENYER ti kalme. Pour sa rezon, sa vale i apel: Vale Akor ziska ozordi.

2 Samyel 21:14

Bann lezo Sail ek Zonatan son garson ti ganny antere Sela, dan pei Benzamen, dan tonbo Kis, papa Sail; tou sa ki lerwa ti'n ordonnen ti ganny fer. Apre sa, Bondye ti montre son bonte anver pei.