Nonm 24:8 - Labib An Kreol Seselwa

⁸ Bondye in fer zot sorti Lezip; i annan lafors en toro sovaz. I ti devor bann nasyon lennmi; kraz zot lezo e atak zot avek bann fles.

Nonm 24:8 Referans Kwoze

Psonm 45:5

Ou bann dart i byen fite pour pers leker ou bann lennmi. Bann nasyon i tonbe anba ou.

Zeremi 50:17

Izrael i parey en mouton egare ki bann lyon pe atake. Lerwa Lasiri ti premye pou devor li. Dernyen, Naboukodonozor, lerwa Babilonn in vin kraz son bann lezo.

Psonm 2:9

Ou pou diriz zot avek en baton an fer; ou pou kas zot an morso parey en po later.

Nonm 23:24

Zot en pep ki debout parey en zannimo feros. I dres debout parey en lyon. I pa al dormi avan ki i'n fini devor son viktim e bwar disan tou sa ki i'n touye.

Nonm 23:22

Bondye ki'n fer zot sorti Lezip. I annan lafors en toro mesan.

Nonm 14:9

Selman, pa revolte kont SENYER e pa per bann zabitan sa pei. Nou pou bat zot en sel kou. SENYER i avek nou, zot nepli annan proteksyon. Alor, pa bezwen per zot.

Zeremi 50:9

Mon pe soulev en group bann gran nasyon for sorti dan pei Nor. Mon pour anvoy zot atak Babilonn. Zot pou pran zot pozisyon pour latak e zot pou kaptir lavil. En konbatan adrwa ki viz byen, pa zanmen mank son mark. En konbatan adrwat ki viz byen pa zanmen mank son mark.

Ezai 38:13

Tou lannwit mon'n pasyante. In kraz tou mon lezo parey en lyon. Dan en sel zour ou ava'n fini avek mwan.

Danyel 6:24

Lerwa ti ordonnen ki bann ki ti'n akiz Danyel, zot ganny anmennen e ganny zete dan kavern lyon, zot, zot zanfan ek zot fanm. Avan menm ki zot ti ariv dan fon lafos, bann lyon ti sot lo zot e kraz zot bann lezo.

Psonm 21:12

Ou ava tir ou bann fles kont zot, e fer zot sove.

Deterononm 32:42

Mon pou fer mon bann fles soule avek disan e mon lepe pou devor zot laser avek disan bann blese ek bann prizonnyen, bann lennmi avek seve long.

Deterononm 32:23

Mon pou fer tou kalite maler tonm lo zot, e tir tou mon bann fles kont zot.

Deterononm 7:1

SENYER, zot Bondye ava fer zot antre dan sa pei ki zot pe al pran posesyon. I pou sas devan zot sa bann gran nasyon, set pep pli nonbre e pli pwisan ki zot: Hitit, Girgasit, Amorit, Kananeen, Perizit, Hivit, ek Zebizit.

Nonm 21:5

Zot ti koz kont Bondye e kont Moiz: Akoz ou'n fer nou sorti Lezip pour nou vin mor dan dezer? Isi napa ni delo ni manze; nou'n degout sa kalite manze mizer.

Matye 2:15

I ti reste laba ziska lanmor Herod. Sa ti arive pour ki sa ki Senyer ti'n dir par lentermedyer son profet, i ganny realize: Mon'n apel mon garson pour sorti Lezip.

Zozye 2:10

Nou'n tande ki mannyer SENYER ti fer sek lanmer Rouz devan zot, ler zot ti sorti Lezip, e tou sa ki zot ti fer avek sa de lerwa Amorit, Sihonn ek Og ki zot ti detri konpletman, dan Les larivyer Zourden.

Egzod 23:22

Si ou ekout li fidelman, si ou fer tou sa ki mon dir, alor, mon pou vin en lennmi pour ou bann lennmi e en ladverser pour ou bann ladverser.

Psonm 45:6

Pei ki Bondye in donn ou pou gouvernen, pou egziste pour touzour. Ou baton rwayal i en baton ladrwatir.