Nonm 23:23 - Labib An Kreol Seselwa

²³ Okenn sor pa pran lo Zakob. Ni okenn pouvwar mazik pa pou servi lo Izrael. Letan pou arive, kan dimoun pou dir lo Zakob ek Izrael: Get travay ki Bondye in fer.

Nonm 23:23 Referans Kwoze

Zozye 13:22

Parmi bann ki pep Izrael ti masakre, ti annan Balaanm, sa deviner, garson Beor; i ti parmi bann viktim.

Matye 12:27

Si mwan, mon sas bann demon par pouvwar Belzebil, alor par ki pouvwar, zot bann zanfan i fer li? Pour sa rezon, zot bann zanfan menm ki pou vin zot prop ziz.

Psonm 64:9

Tou dimoun pou per; zot pou proklanm travay Bondye, e medit lo sa ki i'n fer.

Romen 16:20

Bondye, ki donn lape, ava byento kraz Satan anba zot lipye. Lagras nou Senyer Zezi ava avek zot tou.

Nonm 24:1

Balaanm ti'n fini konpran ki SENYER in trouv bon beni Izrael. Alor, i pa ti al rod rekour dan pratik mazik parey avan. I ti tourn dan direksyon dezer.

Revelasyon 12:9

Sa gran dragon, ti ganny zet deor. Li menm li sa serpan lantikite, ki apel dyab oubyen Satan, e ki tronp lemonn antye. I ti ganny zete lo later ansanm avek son bann lanz.

Akt de Zapot 10:38

Zot konnen koman Bondye ti konsakre Zezi ki sorti Nazaret avek pouvwar son Lespri Sen. Zot osi konnen koman Zezi, partou kot i ti ale, ti fer dibyen e geri tou bann dimoun ki ti anba pouvwar dyab, akoz Bondye ti avek li.

Matye 16:18

Mwan, mon deklare ki ou Pyer, e lo sa ros mon pou konstri mon Legliz, e pwisans lanmor pa pou ranport laviktwar kont li.

Mise 7:15

Mon pou fer li war bann mervey parey dan lepok ki ou ti sorti Lezip.

Akt de Zapot 4:16

Zot ti dir, “Ki nou pou fer avek sa bann zonm? Tou dimoun dan Zerizalenm i konnen ki sa mirak ekstraordiner in ganny fer par zot, e sa, nou pa kapab nye.

Matye 12:25

Zezi ti konnen ki zot ti pe mazinen. I ti dir zot, “Tou rwayonm divize kont li menm pou fini par ganny detri. Tou lavil, tou fanmir ki divize dan li menm pa kapab egziste.

Ezai 41:4

Lekel sa enn ki'n rakont li tousala? Li menm sa enn ki'n konvok bann zenerasyon depi konmansman. Mwan menm SENYER ki premye e mon pou ankor avek bann ki dernyen!

Akt de Zapot 5:12

Bann zapot ti fer en kantite siny ek mirak parmi lepep. Bann krwayan ti reini ansanm dan Arkad Salomon.

Psonm 31:19

SENYER! Ou rezerv ou gran labonte pour sa enn ki montre respe anver ou. Ou protez bann dimoun ki met zot konfyans dan ou.

Akt de Zapot 15:12

Alor lasanble antye ti reste trankil. Zot ti ekout Pol ek Barnabas rakonte koman atraver zot, Bondye ti fer bokou siny ek mirak parmi bann non-Zwif.

Akt de Zapot 5:14

Pli ale, en pli gran kantite dimoun, zonm ek fanm, ti krwar dan Senyer.

Levanzil dapre Zan 11:47

Alor, bann gran-pret ek bann Farizyen ti reini Konsey bann Ansyen. Zot ti dir: Ki fodre nou fer? Get sa kantite siny ki sa zonm pe fer.

Danyel 9:15

Aprezan Senyer, nou Bondye, ou ki'n fer ou pep sorti Lezip par lafors ou lanmen e fer ou renonmen parmi ou pep ziska ozordi, nou'n fer pese, nou'n fer sa ki mal devan ou.

Zenez 3:15

Mon pou met ostilite ant ou e sa fanm, ant ou desandans ek son desandans: I pou kraz ou latet e ou pou mord son talon.

Ezekyel 21:21

Lerwa Babilonyen i debout dan krwaze semen pour tir osor. I sekwe son bann dart; i konsilte son bann stati; i egzamin lefwa zannimo.

Deterononm 3:24

Senyer BONDYE! Ou'n konmans montre mwan, ou serviter, ou grander ek ou pwisans. Napa lot bondye dan lesyel oubyen lo later ki kapab akonpli bann mervey ek bann aksyon formidab!

Ezai 44:25

Mon defet siny bann ki vantar e fer bann deviner derezonnen e rann zot konnesans bet.