Nonm 23:21 - Labib An Kreol Seselwa

²¹ I pa'n war okenn maler dan Zakob. I pa war okenn lenzistis dan Izrael. SENYER, zot Bondye i avek zot. I'n ganny proklanmen ki li menm li zot lerwa.

Nonm 23:21 Referans Kwoze

Psonm 23:4

Menm si mon mars dan vale sonm lanmor, mon pa per okenn danze, akoz ou avek mwan. Ou protez mwan; ou baton berze i donn mwan konfyans.

Matye 1:23

En zenn fiy vyerz pou tonm ansent; i pou donn nesans en garson, e zot pou apel li Emanouel, savedir, Bondye i avek nou.

Zeremi 50:20

Kan sa zour i arive e dan sa letan, SENYER i deklare, ou pou rod fot Izrael, me ou pa pou trouve. Ou pou rod pese Zida, me ou pa pou war, akoz mon pou pardonn sa restan Izrael ki mon'n eparnyen.

Ezai 38:17

Mon lanmertim ti sirman pour mon prop boner ki mon ti dan latristes. Dan ou lanmour pour mwan, ou'n anpes mwan tonm dan lafos destriksyon; ou'n zet mon bann pese lwen deryer ou.

Psonm 46:11

SENYER liniver i avek nou; Bondye Zakob i nou labri.

Ezai 33:22

SENYER i nou ziz; SENYER i nou sef; SENYER i nou lerwa; li menm ki pou sov nou.

Ezai 8:10

Pran konsey avek kanmarad; fer plan ansanm; i pa pou marse. Diskit lo zot plan; i pa pou reisi akoz Bondye, i avek nou.

Ezai 1:18

SENYER in deklare: Aprezan vini, annou diskite: Si zot bann pese i rouz, zot pou vin blan parey lannez. Menm si zot rouz fonse, zot pou vin blan parey lalenn.

Romen 6:14

Annefe, pese pou nepli annan okenn kontrol lo zot, akoz zot pou nepli viv anba Lalwa, me anba lagras Bondye.

Ezai 41:10

Pa bezwen per, akoz mon avek ou. Pa bezwen enkyet, akoz mwan menm ou Bondye. Mon pou rann ou for, mon pou ed ou, mon pou soutenir ou avek mon lanmen ki donn laviktwar.

Psonm 118:15

Laklamasyon lazwa ek delivrans i rezonnen dan latant pep Bondye: Lanmen drwat SENYER in donn laviktwar.

Psonm 97:1

SENYER i lerwa! Later i rezoui! Bann zil i dan lazwa!

Deterononm 33:5

Kan bann sef lepep ti rasanble avek bann tribi Izrael, SENYER ti zot lerwa dan Yesouroun.

Ezekyel 48:35

Dezormen, Lavil pou antoure avek en miray 9,000 met toultour. Dezormen, lavil pou apel: SENYER i la.

Psonm 103:12

Parey Les i lwen avek Was, i met nou pese lwen avek nou.

Psonm 46:7

SENYER liniver i avek nou; Bondye Zakob i nou labri.

Psonm 32:5

Me, mon'n avoue mon pese avek ou; mon pa'n kasyet mon fot. Mon ti dir: Mon pou konfes mon pese avek SENYER. Alor, ou ti pardonn mwan mon pese.

Psonm 32:2

Zot byennere bann ki SENYER i konsider inosan e ki napa okenn lespri tronper!

2 Kronik 13:12

Bondye li menm i nou sef. Son bann pret avek zot tronpet i pare pour soufle lapel lager kont zot. Pep Izrael! Pa bezwen lager kont SENYER, Bondye zot zanset; zot pa pou ganny laviktwar.

Ziz 6:13

Zedeon ti dir li, “Eskiz mwan mon senyer. Si SENYER i avek nou, akoz tou sa ki'n ariv nou? Oli tou sa bann mervey ki nou zanset i rakont nou ler zot dir: Pa SENYER ki'n fer nou monte depi Lezip? Aprezan, SENYER in abandonn nou; in livre nou avek Madyann.”

Egzod 34:9

I ti dir, “SENYER! Si vreman mon'n ganny ou faver, mon sipliy ou pour mars avek nou, akoz latet sa pep i dir. Ou pou pardonn nou, nou fot ek nou pese e aksepte nou koman ou posesyon.”

Egzod 13:21

SENYER ti al devan zot dan en kolonn nyaz pandan lazournen e dan en kolonn dife aswar, pour zot kapab kontinyen marse lizour koman aswar.

2 Korentyen 6:16

Ki Tanp Bondye i annan an komen avek bann zidol? Annefe, nou menm ki tanp Bondye vivan. Parey Bondye in deklare: Mon pou mars parmi zot; mon pou vin zot Bondye e zot ava vin mon pep.

2 Korentyen 5:19

Annefe, par Kris, Bondye in fer tou dimoun rekonsilye avek li menm, san tenir kont zot pese. E i'n konfye nou son Parol rekonsilyasyon.

2 Korentyen 2:14

Nou loue Bondye ki'n fer nou ranport laviktwar ini avek Kris. Par nou, i fer ki Kris i ganny konnen partou e ki i repann parey loder en parfen.

Romen 8:1

Aprezan, i nepli annan okenn kondannasyon pour sa bann ki ini avek Zezi-Kri.

Ezai 12:6

Zabitan Siyon kriy byen for! Sant zot lazwa, akoz Bondye sen Izrael i gran parmi zot.

Egzod 3:12

Bondye ti dir li, “Mon pou avek ou. La siny ki se mwan ki anvoy ou: Kan ou ava'n fer pep Izrael sorti Lezip, zot pou vin ador Bondye lo sa montanny.”

Nonm 14:18

Mwan SENYER, mon pasyan, ranpli avek labonte ek fidelite, ki pardonn fot ek pese. Me mon pa fer koupab pas pou inosan. Mon azir kont sa enn ki'n komet pese e kont son bann desandan, ziska trwazyenm e menm katriyenm zenerasyon.

Nonm 14:19

Alor, pardonn fot sa pep dapre ou gran fidelite, parey ou'n pardonn zot depi zot in kit Lezip.”

Deterononm 9:24

Depi ki mon konn zot, zot in revolte kont SENYER.

Deterononm 31:23

Answit, SENYER ti donn son bann lord Zozye, garson Noun: Reste for e pran kouraz, akoz ou pou kondwir bann Izraelit dan pei ki mon ki promet zot par serman; mon pou avek ou.

Deterononm 32:5

Zot in vin koronpi, zot ki ti ganny kree san defo, en zenerasyon dezenere e fourb.

Levitik 9:24

En dife ti sorti devan SENYER e devor sakrifis konplet ek lagres lo lotel. Pep Izrael antye ti war sa; zot ti kriye avek lazwa e tonm lafas ater.

Nonm 9:22

Si nyaz ti reste pour de zour, en mwan, ou menm pli lontan par lao Latant, bann Izraelit ti reste kanpe e zot pa ti bouze. Me kan nyaz ti leve, zot ti deplas avek li.

Nonm 16:3

Zot ti met zot ansanm kont Moiz ek Aaron. Zot ti dir: Ou'n al tro lwen. Pep Izrael antye i sen e SENYER i la parmi nou. Avek ki drwa zot oule plas zot par lao lasanble SENYER?

1 Samyel 25:28

Aprezan, pardonn mwan mon fot. Mon sir ki SENYER pou fer ou fanmir renny pour touzour, akoz ou pe fer lager pour SENYER. Mon swete ki personn pa trouv okenn defo dan ou pandan tou ou lavi.

Psonm 99:2

SENYER i gran dan Zerizalenm; i domin tou bann pep.

Psonm 135:21

Depi Siyon! Loue SENYER zot ki reste dan Zerizalenm. Loue SENYER!

Ezai 33:21

SENYER pou la avek nou dan son mazeste. En landrwa plen avek larivyer, gran koman pti, kot okenn navir pa traverse ni okenn gro bato pa pase.

Zoel 2:27

Alor, zot pou konnen ki mon prezan parmi pep Izrael, ki mwan menm SENYER, zot Bondye e ki napa en lot. Mon pep pa pou zanmen santi zot onte ankor.