Nonm 23:19 - Labib An Kreol Seselwa

¹⁹ Bondye pa parey zonm pour koz manti. I pa desandan zonm pour li sanz parol. Sa ki i dir i pou fer; sa ki i deklare i pou egzekite.

Nonm 23:19 Referans Kwoze

1 Samyel 15:29

Laglwar Izrael pa koz manti e i napa regre. I pa en et imen pour regrete.”

Let Zak 1:17

Tou don ekselan, tou kado parfe i sorti lao kot Bondye, Papa tou lalimyer ki pa zanmen sanze. Kot li napa menm lonbraz en sanzman.

Malasi 3:6

Mwan, SENYER, mon pa sanze. Pour sa rezon ki zot, bann desandans Zakob, ki pa'n ganny eksterminen.

Ebre 6:18

Donk, sa de aksyon pa kapab zanmen sanze: Bondye pa kapab manti. Alor, nou ki'n kit tou, nou'n trouv dan li sa lasirans ek en gran lankourazman pour sezi sa lesperans ki i'n propoz nou.

Let Pol pour bann Tit 1:2

dan lesperans lavi eternel. Bondye ki pa zanmen manti, ti promet nou sa lavi avan konmansman letan;

Romen 11:29

Annefe, don lagras ek swa ki Bondye i fer pa zanmen sanze.

Levanzil dapre Lik 21:33

Lesyel ek later pou disparet, me mon bann parol pa pou disparet.”

Habakouk 2:3

Annefe, sa i ankor en vizyon pour en letan ki'n ganny fikse. I pou realize byento; sa i laverite. Si i tarde, espere, akoz i pou sirman realize, san tarde.

Psonm 89:35

Lo mon non ki sen, en fwa pour tou, mon'n fer sa serman: Mon pa pou manti avek David.

Oze 11:9

Mon pa pou les monte mon gran lakoler; mon pa pou detri Efraim ankor; akoz mon pa en zonm, mwan Bondye, sa Enn ki sen i parmi zot, mon pa pe vin kot zot avek lakoler.

Mise 7:20

Ou pou montre ou fidelite anver Zakob e ou lanmitye anver Abrahanm, avek ki otrefwa, par en serman, ou ti promet nou bann zanset.

1 Kronik 17:17

Pour ou SENYER, sa pa nanryen. Ou'n osi fer gran promes pour ou serviter ek son desandans, pour lwen dan lavenir! Ou tret mwan konmsi mon en personnaz enportan.

Romen 9:6

Mon pa pe dir ki promes Bondye pa'n reisi. Annefe, pa tou desandan pep Izrael ki vre pep Izrael,

2 Timote 2:13

Si nou pa fidel, li i pou reste fidel, akoz i pa kapab kontredir son prop lekor.

Ebre 7:21

Me Zezi ti ganny etabli pret par serman kan Bondye ti deklare: Senyer in fer sa serman, e i pa pou zanmen sanz son lide: Ou pret pour touzour.

Let Zak 4:5

Zot krwar ki Lekritir i koz pour nanryen kan i deklare: Bondye i reklanm avek zalouzi, lespri ki i'n met dan nou.

Zenez 28:15

Mon pou avek ou, mon pou protez ou e fer ou retourn isi. Mon pa pou kit ou ziska ki mon'n fer sa ki mon'n promet ou.”

Nonm 14:35

Mwan SENYER, mon promet ki mon pou fer sa ki mon'n dir avek sa move kominote ki'n revolte kont mwan. Zot tou, zot pou tonbe e mor isi dan sa dezer.

Nonm 23:18

Alor, Balaanm ti pronons son profesi: Vini! Balak, garson Sipor. Ekout parol ki mon pou dir ou.

Psonm 89:34

Mon pa pou kas mon lalyans. Mon pa pou sanz parol ki'n sorti dan mon labous.

Psonm 110:4

SENYER in fer sa serman e i pa pou sanze: Ou pret pour touzour, dapre lord Melkisedek.

Ezai 21:17

Pa pou reste bokou solda ki tir fles dan larme Kedar. Akoz la sa ki SENYER, Bondye Izrael in deklare.

Ezai 31:2

Pourtan, li i saz e i kapab anmenn maler. I pa sanz son parol; sa ki i dir sanmenm. I leve kont move dimoun e kont sa bann ki konplis dan lemal.

Ezai 40:8

Zerb i vin sek, fler i fletri, me parol nou Bondye pou dire pour touzour.

Ezai 46:11

Mon apel en zwazo rapas ki dan Les. En zonm ki sorti dan en pei lwenten, pour egzekit mon bann proze. Sa ki mon prozete, mon pou fer li.

Ezai 55:11

demenm, parol ki pou sorti dan mon labous pa pour retourn ver mwan san ki i'n fer son lefe, san ki i'n akonpli mon dezir e realiz sa ki mon'n anvoy li fer.

Zeremi 4:28

Pour sa rezon, later pou an dey. Lesyel pou vin nwanr. Annefe, mon'n dir e mon'n deside, mon pa regret nanryen, mon pa pou retourn annaryer.

Danyel 4:28

Tousala ti ariv lo lerwa Naboukodonozor.

Zenez 26:3

Reste dan sa pei koman en etranze e mwan, mon pou avek ou, mon pou beni ou, akoz mon pou donn ou ek ou desandans sa bann pei. Mon pou gard serman ki mon ti fer avek ou papa, Abrahanm.

Zozye 21:45

Ti napa en sel parmi bann bon promes ki SENYER ti'n fer avek pep Izrael ki pa ti akonpli; tou ti realize.

1 Samyel 3:12

Sa zour, mon pou akonpli tou sa ki mon'n predir lo Eli ek son fanmir, depi konmansman ziska lafen.

1 Rwa 14:11

Tou manm lafanmir Zeroboanm ki mor dan lavil, pou ganny manze par lisyen e sa ki mor dan lakanpanny, pou ganny devore par zwazo.” SENYER ki pronons sa parol:

2 Rwa 7:2

Sa zofisye ki lerwa ti pe apiy lo son zepol ti dir avek profet Bondye, “Menm si SENYER ti fer bann lafnet dan lesyel, eski sa i ava kapab arive?” Elize ti reponn, “Ou ava war avek ou prop lizye, me ou pa pou manze.”

2 Rwa 15:12

Promes ki SENYER ti'n fer avek Zehou ti ganny akonpli: Ou bann desandan pou asiz lo tronn Izrael ziska katriyenm zenerasyon. Sanmenm sa ki ti arive.

Psonm 77:9

Eski Bondye in oubliy son konpasyon anver nou? Eski dan son lakoler, i nepli annan okenn konpasyon pour nou?

Psonm 132:11

SENYER in fer sa serman avek David; en serman ki i pa pou sanze: Mon pou met enn ou bann zanfan lo ou tronn.