Nonm 22:6 - Labib An Kreol Seselwa

⁶ Vini e modi zot pour mwan, akoz zot pli for ki mwan. Petet mon ava kapab bat zot e pous zot lwen avek mon pei. Mon konnen ki sa ki ou beni, i ganny beni; sa ki ou modi, i ganny modi.

Nonm 22:6 Referans Kwoze

Nonm 24:9

I alonze ater parey en lyon; i dormi parey en femel lyon. Lekel ki kapab fer li leve? Sa enn ki beni li ava ganny beni; sa enn ki modi li ava ganny modi.

Akt de Zapot 16:16

En zour, letan nou ti pe al dan sa landrwa kot bann Zwif i reini pour priye, en servant ti vin zwenn nou. I ti posed en lespri ki ti permet li dir lavenir, e sa ti donn son met bokou larzan par son bann prediksyon.

Ezekyel 13:6

Zot vizyon in ganny envante, zot prediksyon i en bann mansonz. Zot dir: SENYER in deklare, kan SENYER pa'n anvoy zot e zot ekspekte zot parol realize.

Nehemi 13:2

akoz zot pa ti anmenn dipen ek delo pour bann Izraelit, e akoz zot ti pey Balaanm pour modi pep Izrael. Me nou Bondye ti tourn sa malediksyon an benediksyon.

1 Rwa 22:13

Mesaze ki ti'n al apel Mise, ti dir li, “La tou bann profet, zot tou, zot in anons lerwa bon nouvel. Fodre ki ou osi ou parol i dakor avek pour zot; anons dibyen!”

1 Rwa 22:8

Lerwa Izrael ti dir Zozafat, “I annan ankor en zonm par ki nou kapab konsilte SENYER. Sa i Mise, garson Imla. Me mon pa kontan li, akoz i pa zanmen profetiz sa ki bon pour mwan; i touzour anons maler.” Me Zozafat ti dir, “Lerwa pa kapab koz konmsa.”

1 Rwa 22:6

Lerwa Izrael ti rasanble anviron 400 profet. I ti dir zot, “Eski mon kapab al atak Ramot-Galaad oubyen non?” Zot ti reponn, “Ale! SENYER pou livre lavil dan lanmen lerwa.”

1 Samyel 17:43

Sa Filisten ti dir David, “Eski mon en lisyen pour ki ou vin kont mwan avek baton?” I ti modi David lo non son bann bondye.

Deterononm 23:4

Annefe, zot pa ti vin rankontre zot lo semen avek dipen ek delo, kan zot ti pe sorti Lezip; osi akoz zot ti pey Balaanm garson Beor, sorti Petor dan Aranm an Mezopotami pour li modi zot.

Nonm 22:17

Mon pou byen rekonpans ou. Mon ava fer tou sa ki ou dir mwan fer. Vin modi sa pep pour mwan.”

Nonm 22:12

Bondye ti dir Balaanm, “Ou pa pou al avek zot. Ou pa pou modi sa pep, akoz i en pep beni.”

Zenez 27:29

Bann pep ava servi ou, e bann nasyon ava prostern devan ou. Ou ava domin lo ou bann frer, e bann garson ou manman ava azenou devan ou. Sa enn ki modi ou, pou ganny modi; sa enn ki beni ou, pou ganny beni!

Zenez 12:3

Mon pou beni bann ki beni ou; mon pou modi bann ki modi ou. Atraver ou, tou fanmir lo later pou ganny beni.”

Proverb 26:2

Parey zwazo ki pase, parey zirondel ki anvole, malediksyon san rezon pa pran lo personn.

Psonm 109:28

Ler zot modi, ou, ou beni. Zot ti atak mwan, zot ganny imilye.

Zozye 24:9

Balak, garson Sipor, lerwa Moab, ti leve pour atak Izrael. I ti anvoy apel Balaanm, garson Beor, pour modi zot.

Mise 6:5

Mon pep! Rapel byen konplo Balak, lerwa Moab; sa ki Balaanm, garson Beor, ti reponn li; e sa ki ti arive kan ou ti traverse depi Sitim ziska Gilgal. Alor, ou ava rekonnet laviktwar ki SENYER in fer.

Nonm 23:13

Balak ti dir Balaanm, “Vin avek mwan dan en lot landrwa kot ou pou kapab war sa pep. Ou pou war zis en parti, ou pa pou war zot tou. Ou ava modi zot pour mwan.”

Nonm 23:27

Balak ti dir Balaanm, “Vin avek mwan dan en lot landrwa; petet Bondye ava les ou modi zot pour mwan.”