Nonm 21:7 - Labib An Kreol Seselwa

⁷ Lepep ti vin kot Moiz. Zot ti dir li, “Nou'n fer pese kan nou ti koz kont SENYER e kont ou. Priy SENYER pour fer ale sa bann serpan.” Alor Moiz ti priy pour lepep.

Nonm 21:7 Referans Kwoze

Akt de Zapot 8:24

Simon ti reponn, “Ou menm, priy Senyer pour mwan pour ki okenn sa bann keksoz ki ou'n dir pa ariv mwan.”

Psonm 78:34

Kan i ti touy zot, lezot ti rod li. Zot ti repanti, zot ti vitman retourn kot Bondye.

Nonm 11:2

Lepep ti enplor Moiz ki ti priy SENYER e dife ti tennyen.

Egzod 8:8

Faraon ti apel Moiz ek Aaron. I ti dir zot, “Priy SENYER pour tir sa bann grenouy kot mwan e kot mon pep. Answit, mon ava les bann Izraelit al ofer bann sakrifis pour zot SENYER.”

1 Rwa 13:6

Lerwa ti dir sa profet Bondye, “Sipliy SENYER ou Bondye pour ki mon lanmen i geri.” Sa profet Bondye ti priy SENYER, e lanmen lerwa ti geri e i ti retourn parey avan.

Egzod 8:28

Alor Faraon ti dir, “Mon pou les zot ale pour ofer sakrifis pour zot Bondye dan dezer, me selman pa al tro lwen. Priy pour mwan.”

Let Zak 5:16

Alor, konfes zot pese avek kanmarad, priy pour kanmarad, pour ki zot ava ganny gerizon. Lapriyer senser en dimoun zis, i fer bokou lefe.

Romen 10:1

Mon Bann frer ek ser! Mon swete avek tou mon leker e mon demann Bondye pour bann Zwif, ki zot ganny sove.

Matye 27:4

I ti dir zot, “Mon'n fer pese, akoz mon'n livre disan en inosan!” Zot ti dir li, “Sa pa konsern nou. Sa i ou zafer!”

Oze 5:15

Mon pou ale, mon pou retourn kot mwan, ziska zot avoue ki zot koupab e rod mwan. Dan zot maler, zot pou retourn ver mwan.

Zeremi 37:3

Pourtan, lerwa Sedesyas ti anvoy Yeoukal, garson Selemia avek pret Sofoni, garson Maaseya, kot profet Zeremi. Zot ti dir li: Priy SENYER nou Bondye pour nou.

Zeremi 15:1

La sa ki SENYER ti dir mwan: Menm si Moiz ek Samyel ti ava debout devan mwan, mon pa ti pou pran pitye pour sa pep. Sas zot devan mwan, fer zot ale.

Psonm 106:23

I ti deside alor, pour detri zot. Me Moiz ki i ti'n swazir, ti entervenir devan li pour ki dan son lakoler, i pa detri zot.

Liv Zob 42:10

Apre sa, kan Zob ti'n fini priy pour son bann zanmi, SENYER ti redonn li larises. I ti donn li de fwa plis ki i ti annan avan.

Liv Zob 42:8

Aprezan, pran set toro ek set bouk e al kot mon serviter Zob e ofer en sakrifis konplet pour zot menm. Mon serviter Zob ava priy pour zot e mon ava ekout son lapriyer. Konmsa, mon pa pou tret zot parey zot merite. Akoz zot pa'n koz laverite lo mwan, parey mon serviter Zob in fer.

1 Samyel 15:30

Alor Sail ti dir, “Mon'n pese, me fer mwan loner devan bann ansyen mon pep e devan Izrael, retourn avek mwan pour e mon ava prostern devan SENYER ou Bondye.”

1 Samyel 15:24

Alor, Sail ti dir Samyel, “Mon'n fer pese; akoz mon'n dezobei bann komannman SENYER ek ou bann parol; mon ti per lepep e mon'n ekout zot.

Deterononm 9:20

SENYER ti telman ankoler osi kont Aaron, ki i ti pre pour detri li. Me mon ti entersed pour Aaron osi.

Egzod 32:30

Son lannmen, Moiz ti dir lepep, “Zot in komet en pese grav. Aprezan, mon pou mont kot SENYER lo montanny; kekfwa mon ava kapab fer li pardonn zot pese.”

Egzod 32:11

Me Moiz ti sipliy avek SENYER, son Bondye, “SENYER akoz ou pran sa gran lakoler kont ou pep ki ou ti fer sorti Lezip avek gran pwisans e par ou lanmen for?

Zenez 20:7

Aprezan, rann sa zonm son fanm, akoz i en profet. I ava priy pour ou e ou ava viv. Me si ou pa fer sa, ou pou mor, ou, avek tou ou fanmir.”

Zenez 20:17

Apre, Abrahanm ti priy Bondye, ki ti geri Abimelek, son fanm ek son bann servant. Alor, zot ti kapab ganny zanfan.

2 Rwa 13:4

Yoakaz, ti enplor SENYER. SENYER ti ekout li, akoz i ti war soufrans Izrael depi ki lerwa Lasiri ti pe domin zot.

Ezai 26:16

SENYER! Zot ti rod ou ler zot ti dan detres. Zot ti priye ler ou ti pe pini zot.

Egzod 8:4

Zot pou mont lo ou, lo bann Ezipsyen e lo tou sa ki antour zot.

Egzod 10:17

Pardonn mwan mon pese ankor en fwa. Entersed pour mwan avek SENYER zot Bondye, pour ki i eparny mwan sa fleo lanmor.”