Nonm 21:5 - Labib An Kreol Seselwa

⁵ Zot ti koz kont Bondye e kont Moiz: Akoz ou'n fer nou sorti Lezip pour nou vin mor dan dezer? Isi napa ni delo ni manze; nou'n degout sa kalite manze mizer.

Nonm 21:5 Referans Kwoze

Psonm 78:19

Zot ti koz kont Bondye kan zot ti dir: Eski Bondye i kapab donn nou manze dan dezer?

Nonm 16:41

Son lannmen, lepep ti vin konplent ankor kot Moiz ek Aaron. Zot ti dir: Zot in touy pep SENYER.

Nonm 17:12

Pep Izrael ti dir avek Moiz: In fini pour nou. Nou pe disparet. Nou tou, nou pe ganny detri!

Egzod 14:11

Zot ti dir Moiz, “Pa ti annan ase latonm dan Lezip pour ki ou anmenn nou isi pour mor dan dezer? Ki ou'n fer avek nou?

Proverb 27:7

En zonm ki pa lafen i refiz menm dimyel; pour sa enn ki anfanmen, sa ki anmer i dou.

Psonm 68:6

Bondye i donn en fanmir sa enn ki tousel. I ouver laport laliberte pour bann prizonnyen. Me bann ki revolte i viv dan en later sek.

Egzod 16:31

Pep Izrael ti apel sa manze lamann. I ti parey lagrenn koriyann; i ti blan e i ti annan gou biskwi fer avek dimyel.

Egzod 16:15

Pep Izrael ti gete e zot ti dir antre zot, “Kisisa sa?” Annefe, zot pa ti konnen kwa sa. Moiz ti dir zot, “Sanmenm dipen ki SENYER in donn zot pour manze.

Egzod 15:24

Pep Izrael ti mirmire kont Moiz. Zot ti dir, “Ki nou pou bwar?”

1 Korentyen 10:9

Pa tant Senyer, parey serten parmi zot ti fer e ti ganny detri par serpan.

Ezekyel 20:21

Me sa bann zanfan ti revolte kont mwan, zot pa ti obei mon bann lalwa; zot pa ti swiv mon bann regleman ki zonm i devre obei pour viv. Me zot in profann mon saba. Alor, mon ti'n pare pour tir mon gran lakoler san okenn kontrol lo zot dan dezer.

Nonm 11:20

me pour en mwan antye, ziska i sorti par zot nennen, ziska zot ava degout lavyann. Tousala, akoz zot in rezet SENYER ki parmi zot; zot in mirmire devan li e zot in dir: Akoz nou'n sorti Lezip?”