Nonm 21:16 - Labib An Kreol Seselwa

¹⁶ Zot ti sorti la e al kanp Beer, savedir pwi, kot SENYER ti dir Moiz: Rasanble lepep e mon ava donn zot delo.

Nonm 21:16 Referans Kwoze

Nonm 20:8

Pran ou baton avek ou e ansanm avek ou frer Aaron, rasanble tou dimoun. Koz avek sa ros devan zot, e delo ava sorti dan sa ros. Konmsa ki ou ava fer sorti delo dan sa ros. Zot ava bwar e zot zannimo osi.

Ezai 12:3

Avek lazwa, ou pou tir delo dan bann sours lavi.

Revelasyon 22:17

Lespri ek Nouvel Marye i dir: Vini! Ou ki tande, dir: Vini! Sa ki swaf, vini! Sa ki anvi, vin pran delo lavi gratwitman!

Revelasyon 22:1

Apre sa, lanz ti montre mwan larivyer delo lavi, ki ti kler koman kristal, sorti kot tronn Bondye ek tronn Zenn Mouton.

Revelasyon 21:6

I ti dir mwan: Tou keksoz in akonpli! Mwan menm Alfa ek Omega, konmansman ek lafen. Sa enn ki swaf, mon pou donn li gratwitman drwa bwar dan sours delo lavi.

Ezai 43:20

Bann zannimo sovaz pou loue mwan; sakal ek lotris pou onor mwan, akoz mon'n fer delo koule dan dezer e larivyer dan landrwa sek, pour ki mon pep ki mon'n swazir ava kapab bwar.

Ziz 9:21

Yotanm ti disparet an tayan; i ti al reste Beer, lwen avek Abimelek son frer.

Egzod 17:6

Mon pou debout devan ou lo ros montanny Horeb. Ou ava tap lo sa ros e delo ava sorti ladan e lepep ava bwar.” Moiz ti fer sa devan bann ansyen dan Izrael.

Levanzil dapre Zan 4:14

Me sa enn ki bwar delo ki mwan mon pou donn li, i pa pou zanmen swaf. Sa delo ki mon pou donn li, pou vin en sours lavi eternel ki pou koul annabondans.”

Levanzil dapre Zan 4:10

Zezi ti dir li, “Si ou ti konn kado Bondye, e lekel ki pe dir ou: Donn mwan en pe delo pour bwar! Ou menm ou ti ava demann li, e i ti ava'n donn ou delo ki donn lavi.”

Ezai 49:10

Zot pou nepli lafen, zot pou nepli swaf; ni divan so ni soley pa pou fer zot soufer, akoz zot gid pou sa enn ki annan konpasyon pour zot e ki pou kondwir zot kot i annan sours delo.

Zenez 21:19

Bondye ti ouver lizye Agar e i ti war en pwi delo. I ti al ranpli son sak lapo avek delo e donn son zanfan pour bwar.

Nonm 33:46

Sorti Dibonn-Gad, zot ti al kanp Almonn-Diblataim.

Ezai 15:8

Tou teritwar Moab i rezonnen avek lapel osekour. Sa bann lamantasyon i ariv ziska Eglaim; i ganny tande ziska Beer-Elim.