Nonm 21:14 - Labib An Kreol Seselwa

¹⁴ Pour sa rezon, ki i'n ekri dan liv Bann Lager SENYER: Vaheb dan teritwar Soufa e bann vale larivyer Arnon,

Nonm 21:14 Referans Kwoze

2 Samyel 1:18

I ti demande ki zot ansenny sa kantik bann zabitan Zida. Sa in ganny ekri dan liv kantik: Zis.

Zozye 10:13

Soley ti arete, lalin pa ti bouze ziska ki pep Izrael ti'n fini tir son vanzans lo son bann lennmi. Sa in ganny ekri dan liv Yasar, savedir Zis: Soley ti arete dan milye lesyel; i pa ti kouse pandan preski en lazournen antye.

Levanzil dapre Lik 24:27

Alor, konmansan par Moiz ek tou bann profet, Zezi ti eksplik zot sa ki Lekritir in dir lo son size.

Nonm 21:13

Kan zot ti sorti la, zot ti al kanp lot kote larivyer Arnon, dan teritwar dezer ant Moab ek bann teritwar bann Amorit.

Nonm 21:15

lapant vale ki desann ziska Ar, tou dilon frontyer Moab.

Deterononm 2:24

Apre, SENYER ti donn mwan sa lord: Kontiny zot vwayaz e travers larivyer Arnon. La, mon'n donn ou Sihonn, lerwa Amorit ki sorti Hesbonn, avek son pei antye. Atak li e konmans pran posesyon son pei.

1 Samyel 18:17

Sail ti dir David, “Mon ava donn ou Merab, mon lene fiy pour vin ou fanm, si ou servi mwan e al lager pour SENYER koman en brav gerye. Sail ti pe dir dan li menm: Les li, bann Filisten ava touy li. Konmsa, mon pa ava bezwen touy li, mwan menm.”

Ezai 16:2

Bann fiy Moab pe espere lo bor larivyer Arnon kot i sek. Zot parey bann zwazo ki pe anvole partou akoz zot in ganny pouse dan zot nik.