Nonm 20:13 - Labib An Kreol Seselwa

¹³ Sa ti delo Meriba, savedir kerel, kot pep Izrael ti konplent kont SENYER e kot SENYER ti montre zot ki i en Bondye sen.

Nonm 20:13 Referans Kwoze

Psonm 95:8

pa andirsi zot leker parey zot ti fer Meriba, parey zot ti fer dan dezer Massa.

Egzod 17:7

I ti apel sa landrwa Masa, savedir Provokasyon, ek Meriba, savedir Lager, akoz pep Izrael ti mirmire e provok SENYER an dizan: Eski SENYER i avek nou, oubyen non?

Deterononm 33:8

La sa ki Moiz ti dir lo Levi: Donn Levi, sa enn ki lwayal anver ou ou Toumim ek ou Ourim. Ou ti teste li Massa, e ou ti provok li kot sours Meriba.

Deterononm 32:51

Annefe, tou le de, zot ti dezobei mwan devan bann Izraelit pre avek sours Meriba ki Kades dan dezer Sin, ler zot pa ti rekonnet mon sentete parmi bann Izraelit.

Ezekyel 38:16

Ou ava atak mon pep Izrael, parey en nyaz ki kouver later. La sa ki pou arive apre sa: Byen lontan apre, mon pou fer ou monte e atak mon pei, pour ki atraver ou, Gog, mon ava montre ki mon sen devan bann nasyon.

Ezekyel 36:23

Mon pou montre ki mon non i gran e sen parmi bann nasyon. Bann nasyon ava rekonnet mon non ki zot in bafwe ki mwan menm SENYER. Mwan Senyer BONDYE ki'n deklare.

Ezekyel 20:41

Mon pou akey zot avek plezir, parey en lofrann ki fer mwan plezir. Mon pou fer zot sorti parmi bann pep, dan tou pei kot zot in disperse e rasanble zot. Konmsa, mon pou montre bann nasyon ki mwan menm Bondye sen.

Ezai 5:16

Me, SENYER liniver pou ganny glorifye akoz i zis; Bondye sen ava montre ki i sen par lazistis.

Psonm 81:7

Dan ou maler ou ti kriye e mon ti vin sov ou. Mon ti reponn ou depi dan sekre loraz; mon ti teste ou kot sours Meriba.

Psonm 81:8

Mon pep! Ekout mon lavertisman. Si selman Izrael ti oule ekout mwan!