Nonm 20:1 - Labib An Kreol Seselwa

¹ Pep Izrael, kominote antye, ti ariv dan dezer Sin dan premye mwan e zot ti reste Kades, kot Mirianm ti mor e kot i ti ganny antere.

Nonm 20:1 Referans Kwoze

Nonm 13:21

Alor, sa bann zonm ti monte e zot ti eksplor pei depi dezer Sin ziska Reob, obor lantre Hamat.

Nonm 33:36

Sorti Esyonn-Geber, zot ti al kanp dan dezer Sin, savedir Kades.

Egzod 15:20

Mirianm, en profetes, ser Aaron, ti pran en tanbouren. Tou bann fanm ti sorti e swiv li. Zot ti zwe tanbouren e zot ti danse.

Nonm 27:14

Annefe, zot tou le de, zot ti revolte kont mon lord dan dezer Sin. Kan lepep ti revolte kont mwan, ou pa ti fer konnen mon sentete devan zot.” Sa ti lo size sours delo Meriba, savedir rebel, ki sorti Kades dan dezer Sin.

Nonm 26:59

Fanm Anmranm ti apel Yokebed. I ti fiy Levi ki ti ne Lezip. I ti ganny de garson ek en fiy: Aaron, Moiz e zot ser Mirianm.

Nonm 12:1

Mirianm ek Aaron ti kritik Moiz akoz son fanm Kousit. Annefe, Moiz ti'n marye avek en fanm sorti Letyopi.

Mise 6:4

Mon'n fer ou monte sorti Lezip. Mon'n delivre ou dan lesklavaz. Mon'n donn ou koman sef Moiz, Aaron ek Mirianm.

Psonm 29:8

Lavwa SENYER i fer dezer tranble. SENYER i fer tranble dezer Kades.

Deterononm 32:51

Annefe, tou le de, zot ti dezobei mwan devan bann Izraelit pre avek sours Meriba ki Kades dan dezer Sin, ler zot pa ti rekonnet mon sentete parmi bann Izraelit.

Deterononm 2:14

Ti pran nou 38 an pour vwayaz depi Kades Barnea, ziska nou ti travers larivyer Zered. Dan sa letan, tou zenerasyon bann gerye ti'n mor, parey SENYER ti'n predir.

Nonm 20:16

Nou ti kriye e SENYER in antann nou. I ti anvoy son mesaze pou vin delivre nou Lezip. La aprezan, nou'n ariv Kades, en lavil ki baliz avek ou teritwar.

Nonm 12:15

Mirianm ti ganny met an deor kan pandan set zour. Lepep pa ti deplase ziska ki i ti ganny readmet dan kan.

Nonm 12:10

Kan nyaz ti leve par lao Latant, Mirianm ti kouver avek lalep. I ti'n vin blan koman lannez. Aaron ti tournen pour get Mirianm, i ti war li kouver avek en maladi parey lalep.

Egzod 2:7

Alor, ser sa pti baba ti dir fiy Faraon, “Eski ou oule mon al rod en nouris parmi bann fanm Ebre pour donn tete sa pti baba pour ou?”

Egzod 2:4

Ser sa pti baba ti debout en pe pli lwen. I ti veye sa ki pou arive avek li.

Nonm 13:26

Kan zot ti arive, zot ti al war Moiz, Aaron ek pep Izrael, ki ti Kades dan dezer Parann. Zot ti fer en rapor avek Moiz ek Aaron e devan pep Izrael antye. Zot ti montre bann fri ki zot ti'n anmennen, sorti dan sa pei.

Nonm 20:22

Kominote Izrael ti kit Kades e ariv dan montanny Hor.

Deterononm 1:46

Alor, zot ti reste Kades, pandan en long letan.

Ziz 11:16

Annefe, ler Izrael ti sorti Lezip, i ti mars dan dezer ziska lanmer Rouz e i ti ariv Kades.

Zenez 14:7

Apre, zot ti retourn ver Enn-Mispat, setadir Kades. Zot ti pran teritwar bann Amalesit ek bann Amorit ki ti reste Hasasonn-Tamar.

Nonm 20:28

Moiz ti tir rob pret lo Aaron e abiy son garson, Eleazar. Aaron ti mor lao lo sa montanny. Apre, Moiz ek Eleazar ti desann sorti lo montanny.

Ezekyel 47:19

Lo kote Sid, frontyer ava sorti Tamar ziska oazis Meriba Kades. I ava swiv larivyer Lezip ziska lanmer Mediterane. Sa i ava pour kote Sid.