Nonm 18:19 - Labib An Kreol Seselwa

¹⁹ Mon donn ou, ou bann garson ek ou bann fiy tou sa bann lofrann ki pep Izrael i ofer devan SENYER. I ou drwa pour touzour; i dan kondisyon lalyans konsakre avek disel fer avek ou e tou ou bann desandan pour touzour.

Nonm 18:19 Referans Kwoze

2 Kronik 13:5

Zot pa konnen ki SENYER, Bondye Izrael, in donn David ek son desandans pour touzour, tronn Izrael atraver en lalyans ki personn pa kapab kase?

Nonm 18:11

La ankor sa ki mon donn ou: Tou lofrann spesyal ki ganny ofer par lepep i pour ou, pour ou bann garson e ou bann fiy pour touzour. Tou manm ou fanmir, ou bann garson ek fiy ki pir ava kapab manze.

Levitik 2:13

Ou ava azout en pe disel dan tou lofrann vezetal ki ou ofer SENYER. Pa zanmen oubliy disel dan lofrann, akoz i reprezant lalyans ki Bondye in fer avek ou. Alor, avek tou lofrann ou devre azout disel.

2 Kronik 31:4

I ti donn lord ki tou zabitan Zerizalenm i donn son par ki devre vin pour pret ek levit, pour ki zot ava kapab konsakre zot letan avek lalwa SENYER.

Deterononm 12:6

La, zot ava prezant zot lofrann, zot sakrifis, zot ladim, zot bann donasyon, zot lofrann volonter, e bann premye ne zot troupo.

Nonm 31:41

Moiz ti donn pret Eleazar, par ki ti ganny rezerve pour SENYER, parey SENYER ti'n ordonnen par lentermedyer Moiz.

Nonm 31:29

Ou ava pran sa lo zot par e ou ava donn pret Eleazar koman en don pour SENYER.

Nonm 18:8

SENYER ti dir Aaron: Mon donn ou tou lofrann ki pep Izrael i anmennen. Mon donn ou tou sa bann lofrann koman en par e pour ou desandan pour touzour.

Levitik 7:14

I ava pran en gato dan sak lofrann koman en par pour SENYER; sa i ava pour pret ki'n fer laspersyon avek disan lo sakrifis lape.

Deterononm 12:26

Me ou ava anmenn zis sa ki ou'n konsakre ek ou bann sakrifis volonter dan landrwa kot SENYER ava swazir.

2 Rwa 12:16

Larzan pour bann sakrifis ki dimoun ti donnen pour serten fot, pa ti ganny mete dan sa kof, me ti al pour bann pret.

Ezekyel 43:24

Ou ava prezant zot devan SENYER. Bann pret ava fann disel lo zot e ofer zot koman sakrifis konplet devan SENYER.

Egzod 29:27

Ou ava konsakre lestoma, kwis mouton konsekrasyon, avek par Aaron ek par son bann garson, ki'n ganny ofer dapre rityel.

Levitik 21:22

Sepandan, i ava kapab manz nouritir son Bondye, sa ki tre sakre e sa ki sakre.