Nonm 18:15 - Labib An Kreol Seselwa

¹⁵ Anfen, tou premye ne ki ganny ofer SENYER, dimoun ouswa zannimo i vin pour ou, me ou bezwen aksepte zis pri larzan pour bann premye ne imen ek zannimo enpir ki'n ganny aste.

Nonm 18:15 Referans Kwoze

Egzod 34:20

Ou ava reaste premye ne en bourik kont en mouton. Si ou pa reaste li, ou ava kas son likou. Ou ava reaste tou premye ne parmi ou bann zanfan. Personn pa vin dan mon sanktyer lanmen vid.

Egzod 13:2

“Konsakre tou bann premye ne pour mwan. Imen koman zannimo parmi bann Izraelit i pour mwan.”

Nonm 3:46

Pour pri sa 273 lene garson dan tribi Izrael ki an plis lo bann levit,

Nonm 3:13

Annefe, tou bann lene i pour mwan. Depi zour ki mon ti touy tou bann lene dan pei Lezip, mon ti konsakre tou bann lene dan Izrael. Zonm koman zannimo, zot pour mwan. Mwan menm SENYER.

Egzod 22:29

Fodre pa gard avek ou lofrann fri oubyen rekolt ek prodwi ou plantasyon rezen. Ou ava donn mwan premye ne parmi ou bann garson.

Egzod 13:15

Kan dan son lantetman, Faraon ti refize les nou ale, SENYER ti touy tou premye ne dan Lezip, depi premye ne imen ziska premye ne zannimo. Pour sa rezon ki mon ofer an sakrifis pour SENYER, tou zannimo mal ki sorti premye dan vant son manman; me mon reaste tou bann garson premye ne.

Nonm 18:16

Zot devret ganny aste ler zot annan en mwan, dapre pri ki ava ganny fikse: Senk pyes larzan dapre valer larzan sanktyer, ki pez 10 granm.

Deterononm 15:19

Ou ava konsakre pour SENYER, ou Bondye, tou zannimo mal premye ne parmi ou bann bef, mouton ek kabri. Parmi ou bann bef, ou pa pou fer son premye ne travay; ou pa pou koup lalenn premye ne parmi ou bann mouton.

2 Rwa 12:5

bann pret ava servi pour fer bann reparasyon tanp ki zot war neseser.”

Nehemi 10:37

Nou ti promet pour anmenn kot pret, dan bann lasal dan tanp Bondye, premye parti nou lapat lafarin, bann fri tou bann pye dibwa, diven nouvo ek delwil; Ladim lo tou prodwi later ki nou kiltive, ava ganny remet avek bann levit, akoz bann levit ki annan responsabilite pour resevwar ladim dan tou nou bann lavil.