Nonm 16:41 - Labib An Kreol Seselwa

⁴¹ Son lannmen, lepep ti vin konplent ankor kot Moiz ek Aaron. Zot ti dir: Zot in touy pep SENYER.

Nonm 16:41 Referans Kwoze

Psonm 106:23

I ti deside alor, pour detri zot. Me Moiz ki i ti'n swazir, ti entervenir devan li pour ki dan son lakoler, i pa detri zot.

Nonm 14:2

Lepep antye ti konplent kont Moiz ek Aaron. Zot tou, zot ti dir: Plito nou ti'n mor Lezip; plito nou ti'n mor dan sa dezer!

Akt de Zapot 21:28

Zot ti kriye, “Pep Izrael, osekour! La i la, sa zonm ki pe prese partou avek tou dimoun kont pep Izrael, kont Lalwa Moiz e kont nou Tanp. Aprezan i'n menm anmenn bann Grek dan Tanp e fer sa landrwa sen vin enpir.”

Akt de Zapot 5:28

“Pa nou ti'n defann zot strikteman koz ankor lo sa non? La zot in fann zot lansennyman dan Zerizalenm antye, e zot oule met responsabilite lanmor sa zonm lo nou.”

Matye 5:11

Zot byennere, kan zot ganny ensilte, persekite akoz mwan; kan dimoun i koz dimal kont zot, akoz mwan!

Amos 7:10

Amasya ki ti pret dan lavil Betel, ti anvoy en rapor kot Zeroboanm, lerwa Izrael, pour dir: Amos pe fer konplo kont ou dan rwayonm Izrael. Son bann parol pou detri pei.

Ezai 26:11

SENYER! Ou lanmen in leve, me zot pa war. Kan zot ava war sa gran pasyon ki ou annan pour ou pep, zot ava kanmi. Dife ki'n ganny alimen pour bann lennmi ava bril zot.

Psonm 106:13

Me zot ti vit oubliy sa ki i ti'n fer; zot pa ti esper son konsey.

1 Rwa 18:17

Kan i ti war Eli, Akab ti dir li, “Ou ki pe anmenn maler dan Izrael?”

2 Korentyen 6:8

Nou ganny onore, nou ganny meprize; ensilte, respekte. Nou pas pour manter, menm si nou pe dir laverite;

Zeremi 43:3

Laverite, se ki Barouk garson Neriya, ki'n mont ou latet kont nou. Annefe, i oule livre nou avek bann Babilonyen ki pou swa touy nou, swa deport nou Babilonn.

Zeremi 38:4

Apre, bann zofisye ti dir lerwa, “Sa zonm i merit lanmor, akoz sa ki i pe dir, i dekouraz bann gerye ki pe reste dan lavil, e osi tou bann zabitan. Annefe, i pa pe rod boner sa pep, me plito son maler.”

1 Korentyen 10:10

Pa plennyen parey serten parmi zot ti fer e zot ti ganny eksterminen.

Let Zid 1:16

Sa bann zonm ki touzour mekontan, pe touzour plennyen. Zot pe viv dapre zot bann move dezir. Zot koz avek ensolans, e zot flat dimoun dan zot prop lentere.