Nonm 16:14 - Labib An Kreol Seselwa

¹⁴ Ou pa'n anmenn nou dan en pei kot i koul dile ek dimyel. Ou pa'n donn nou an leritaz bann plantasyon legim, bann plantasyon rezen. Eski ou krwar ki sa bann zonm pa war kler? Non, nou pa pe vini.

Nonm 16:14 Referans Kwoze

Levitik 20:24

Mon ti dir zot: Zot pou erit zot later; mwan ki pou fer zot pran posesyon; sa i en pei kot dile ek dimyel i koule annabondans. Mwan menm zot Bondye ki'n separ zot avek bann pep.

1 Samyel 11:2

Me Nahas, lerwa bann Amonit, ti reponn zot, “Mon ava aksepte lo sa kondisyon: Mon pou krev lizye drwat zot tou e zet en dezoner lo pep Izrael antye.”

Ziz 16:21

Bann Filisten ti atrap li e krev son lizye. Zot ti anmenn li Gaza e anmar li avek lasenn an bronz. Zot ti fer li tourn en gro ros moulen dan prizon.

Nonm 20:5

Akoz ou'n fer nou sorti Lezip pour anmenn nou dan sa landrwa dezer? Isi napa ni dible, ni fig, ni rezen, ni grenad; napa ni menm delo pour bwar!”

Egzod 23:11

Me setyenm lannen, ou ava les ou later repoze. Bann pov parmi ou pep ava kapab ganny dekwa manze, e bann zannimo sovaz ava manz sa ki zot kite. Ou ava fer parey avek ou bann plantasyon rezen ek ou bann plantasyon zoliv.

Egzod 22:5

Si en zonm i anmenn son troupo manz dan laplenn oubyen dan son plantasyon rezen, si i les bann zannimo al manz dan plantasyon en lot dimoun, i ava pey an konpansasyon, meyer prodwi son prop plantasyon, ek son prop plantasyon rezen.

Egzod 3:17

Alor, mon ti dir: Mon pou fer zot sorti Lezip kot zot pe soufer e anmenn zot dan pei bann Kananeen, bann Hitit, bann Amorit, bann Perizit, sa pei kot dile ek dimyel i koule.

Egzod 3:8

Mon'n desann pour delivre zot dan lanmen bann Ezipsyen e fer zot sorti depi sa pei, ver sa bon pei ki gran, en pei kot dile ek dimyel i koule. Sa landrwa i kot bann Kananeen, bann Hitit, bann Amorit, bann Perizit, bann Hivit e bann Zebizit i reste.

Egzod 23:10

Pandan 6 an, ou ava senmen lo ou later e ou ava rekolte son prodwi.

Nonm 13:27

La sa ki zot ti rakont Moiz: Nou'n al eksplor sa pei kot ou ti'n anvoy nou. I vre ki i en pei kot dile ek dimyel i koule. Gete, la son bann fri.

Nonm 14:8

Si SENYER i bon anver nou, i pou anmenn nou laba e donn nou sa pei kot i koul dile ek dimyel.