Nonm 16:10 - Labib An Kreol Seselwa

¹⁰ In les zot ek tou zot bann frer ganny sa loner pour apros li. Eski zot oule fonksyon pret osi?

Nonm 16:10 Referans Kwoze

3 Zan 1:9

Mon'n ekri en pti let Legliz; me Dyotref ki kontan plas sef, pa aksepte mon lotorite.

Filipyen 2:3

Pa fer nanryen dan en lespri konpetisyon ni par lorgey. O kontrer avek limilite, konsider lezot pli enportan ki ou.

Romen 12:10

Annan en gran lafeksyon ant zot, parey bann frer ki kontan kanmarad; setaki, montre plis respe pour kanmarad.

Levanzil dapre Lik 22:24

Bann disip ti konmans diskite ant zot, pour konnen lekel parmi zot ki ti pou ganny konsidere pli enportan.

Proverb 13:10

Larogans i provok zis dispit; lasazes i avek sa enn ki ekout konsey.

Nonm 18:7

Mon'n swazir ou ek ou bann garson pour fer servis dan sanktyer, lo lotel e deryer rido. Mon donn zot responsabilite pret. Sa enn ki apros sanktyer pou ganny met anmor.

Nonm 3:10

Ou ava etabli Aaron ek son bann garson dan zot fonksyon pret. En dimoun ordiner ki apros zot, i devret ganny met anmor.

Nonm 18:1

SENYER ti dir Aaron: Ou, ou bann garson, ansanm avek ou fanmir, zot tou, zot pou responsab pese ki ganny komet anver sanktyer. Me zis ou ek ou bann garson, ki pou responsab sa bann fot ki ganny komet dan zot servis koman pret.

Ziz 17:12

Mise ti enstal sa levit koman son pret e i ti reste kot li.

Nonm 3:6

Fer tribi Levi vini e met zot pare pour asiste Aaron.