Nonm 15:4 - Labib An Kreol Seselwa

⁴ Sa enn ki ofer SENYER son lofrann, i ava prezant osi en lofrann vezetal, en kilo lafarin melanze avek en lit delwil.

Nonm 15:4 Referans Kwoze

Egzod 29:40

Avek premye zenn mouton, ou ava ofer trwa kilo lafarin meyer kalite, en lit edmi delwil meyer kalite e en lit edmi diven pour lofrann labwason.

Levitik 23:13

Avek lofrann vezetal, zot ava ofer en lofrann brile sis kilo lafarin petri avek delwil, en lofrann ki anvoy en loder ki fer plezir SENYER, ek lofrann en lit edmi diven.

Levitik 6:14

La rityel konsernan lofrann vezetal: Bann garson Aaron ava ofer SENYER sa lofrann, devan lotel.

Levitik 2:1

Si en dimoun i oule ofer SENYER en lofrann vezetal, i ava ofer son meyer lafarin. I ava vers delwil e met lansan lo la.

Levitik 14:10

Wityenm zour, i ava pran de mouton mal san defo, en zenn femel mouton aze enn an e san defo, en lofrann nef kilo lafarin meyer kalite, petri avek delwil, ek en demi lit delwil.

Ebre 13:16

Me pa manke fer dibyen e ed kanmarad, akoz se bann sakrifis parey ki fer plezir Bondye.

Romen 15:16

pour fer mwan vin serviter Zezi-Kri pour bann pep ki non-Zwif. Mon pe fer en servis sakre, anonsan Bonn Nouvel Bondye, pour ki bann non-Zwif i vin en lofrann agreab pour Bondye, konsakre par Lespri Sen.

Malasi 1:11

Depi soley leve ziska soley kouse, partou dan lemonn, dimoun i onor mwan. Partou, zot bril lansan e prezant en lofrann pir, akoz mon non i gran parmi bann nasyon, SENYER liniver ki deklare.

Ezekyel 46:14

Tou le bomaten, zot ava osi ofer SENYER senk kilo lafarin melanze avek de lit delwil. Sa bann regleman pour lofrann tou le zour i valab pour touzour.

Ezai 66:20

La sa ki SENYER i deklare: Zot pou retournen e anmenn avek zot, tou zot frer ki sorti parmi sa bann nasyon, koman en lofrann pour SENYER, lo seval, dan bann kales e lo treno, lo bourik e lo samo. Zot pou vin Zerizalenm, lo mon montanny sakre, parey bann Izraelit i anmenn lofrann vezetal dan en bol pirifye kot tanp SENYER.

Ziz 9:9

Me pye zoliv ti reponn zot: Eski mon pou abandonn mon delwil ki bann bondye ek bann imen i kontan, pour mwan al balanse par lao lezot pye dibwa?

Levitik 2:15

Ou ava azout delwil e met lansan lo la. Sa i en lofrann vezetal.

Levitik 1:13

I ava lav trip ek bann lapat avek delo. Answit, en pret ava prezant tou e fer brile lo lotel. Sa i ava en sakrifis konplet, brile dan dife, ki anvoy en loder ki fer plezir SENYER.

Levitik 3:7

Si i ofer en zenn mouton, i ava prezant li devan SENYER.

Nonm 28:4

Ou ava ofer en zenn mouton bomaten e en lot zenn mouton, soley kouse.

Nonm 28:12

An plis ki sa, pour sak toro, zot ava ofer en lofrann trwa kilo lafarin petri dan trwa lit delwil. Avek sa mouton mal, de kilo lafarin petri avek delwil.

Esdras 7:17

Alor, avek sa larzan, ou ava aste toro, mouton mal ek zenn mouton; ou ava osi aste tou lofrann vezetal ek lofrann labwason ki al avek. Ou ava ofer tousala lo lotel tanp ou Bondye ki Zerizalenm.

Nonm 7:13

Sa ti en plato annarzan ki ti pez anviron 1,300 granm, en bol annarzan ki ti pez 700 granm dapre pwa sanktyer. Tou le de ti ranpli avek lafarin petri avek delwil pour lofrann;

Nonm 29:6

Sa bann sakrifis ava anplis, avek sakrifis konplet pour nouvellin, son lofrann vezetal, ek bann sakrifis ordiner, son lofrann vezetal ek lofrann diven dapre regleman. Sa bann lofrann ava donn en loder ki fer plezir SENYER.