Nonm 14:16 - Labib An Kreol Seselwa

¹⁶ SENYER pa'n kapab anmenn sa pep dan pei ki i ti'n promet zot. Alor in touy zot dan dezer.

Nonm 14:16 Referans Kwoze

Deterononm 9:28

sinon, zabitan sa pei kot ou ti fer nou sorti ava dir: SENYER pa ti kapab fer zot antre dan sa pei ki i ti'n promet zot. Akoz i ti ay zot ki i'n fer zot sorti pour anmenn zot dan dezer pour les zot mor.

Zozye 7:9

Bann Kananeen ek tou bann zabitan pei, ler zot pou antann sa ki'n arive, pou anserkle nou, detri nou e detri nou non dan sa pei. Ki mannyer ou pou fer rekonnet ou gran renonmen?”

Zozye 7:7

Zozye ti dir, “Senyer BONDYE, akoz ou'n fer sa pep travers larivyer Zourden zis pour livre nou dan lanmen bann Amorit e detri nou? Nou ti'n devre reste lot kote larivyer Zourden!

Nonm 14:17

Aprezan, SENYER, mon sipliy ou! Montre ou gran pwisans parey ou'n promet ler ou ti dir:

Egzod 32:12

Si ou fer sa, bann Ezipsyen ava dir: I ti annan lentansyon touy zot. Pour sa rezon ki i ti delivre zot, anmenn zot dan montanny e fer zot disparet lo later! Pez ou gran lakoler e renonse fer dimal ou pep.